Yeremi 41:8 - NQAARIIT NE ROOG

⁸ A jeg’a koy a ndeer den goor xarɓaxay waa lay’ina a Isma’el ee: «Ba o war a in, yaam i njega ñaamel kaa i laqna na xa qol axaa: bele, lorso, diwliin fo suum.» Maaga, a wuusa a den too waree a den nen yoon den.

Yeremi 41:8 Referans Kwoze

Xa peƭit axe 13:8

O yaal halal, o laaw um kaa dalaa yaam o jeg um, o ndool onqe mat, o leng daawree fo ten.

Ke bindeena no xe ne’eena YOB 2:4

Saytaane a doona o Yaal oxe yee: «O ñis a jara kuu refna. Ke o kiin a jegna fop a jaɓaan o cooxit ndax ta mucil o ñis um.

Mace 16:26

Xar a jiriiñkaa o kiin ta jeg adna fee fop yaa ta ñakna o laaw um? Ndi xar o kiin a sofitkaa o laaw um?

Mace 6:25

«Ten taxu mexe layaa a nuun ee: Ba o ñoow mbaat ñaamel [mbaat a yer] mbaat ñirax a njaaxɗand a nuun. Mee ndax o ñoow ole moƴu a ñaam ale, soo cer ke a moƴ ñirax ke?

Esayi 45:3

Xam ci’ong kalal ke laqeena no niɓaan ole fo o jeg ole ɗasneena a paax, ndax o and ee mi refu o Yaal oxe Roog fee Isra’el, xoyoonga no gon of.

Yeremi 41:9

Mband mbaqe ne Isma’el a deɓna xa tal axe no goor waaga fop mbar’eena reeƭu mband mbaqe maak ne o maad Aasa a waqin’ina, ye ta xire’aa fa Baasa fee o maad Isra’el. Mband mbaqe neene Isma’el a mayƭand’u fo xa tal.