Yeremi 41:3 - NQAARIIT NE ROOG

³ Isma’el a warahina goor Yuuyudaa we ndeeƭna fa Gedaliya fop kam Mispa fo xiixire Kaakalde we ndeeƭna maaga.

Yeremi 41:3 Referans Kwoze

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

O baawaare xe 9:18

O jeg-yiif ole moƴu ƥonax qire’ir ke, ndaa o njuumte leng kut a waaga yaq paax mayu.

2 Maad we 25:25

Kaa koy, no nqool o ɓetuu ƭikandeer onqe, Isma’el fee o ƥiy Netaniya, too a ref o ndaan Elisama, fog’ina no ƥasil no maad, a gara, a yoon fo goor xarɓaxay, soo da mbar a Gedaliya fo Yuuyudaa we fo Baababilon we ndeeƭna fo ten Mispa.

Yeremi 41:2

Maaga, Isma’el a naaga daket, ten fo goor xarɓaxay we yoon’ina fo ten, soo a nqawit laƥ a Gedaliya fee o ƥiy Ahikam, too a ref o ndaan Safan. Naaga, a mbara oxe o maad oxe Babilon a dalin’ina ta maadooxaa no saax le.

Yeremi 41:4

No feet olaa, a soƥ o leng yegafulee a bar ale Gedaliya,