Yeremi 41:2 - NQAARIIT NE ROOG

² Maaga, Isma’el a naaga daket, ten fo goor xarɓaxay we yoon’ina fo ten, soo a nqawit laƥ a Gedaliya fee o ƥiy Ahikam, too a ref o ndaan Safan. Naaga, a mbara oxe o maad oxe Babilon a dalin’ina ta maadooxaa no saax le.

Yeremi 41:2 Referans Kwoze

2 Maad we 25:25

Kaa koy, no nqool o ɓetuu ƭikandeer onqe, Isma’el fee o ƥiy Netaniya, too a ref o ndaan Elisama, fog’ina no ƥasil no maad, a gara, a yoon fo goor xarɓaxay, soo da mbar a Gedaliya fo Yuuyudaa we fo Baababilon we ndeeƭna fo ten Mispa.

Yeremi 40:5

Maaga, ne Yeremi a maad’ina o doongaa ke ta fi’kaa, Nebusaradan a ɓaata teen ee: «Nomtooxi maa Gedaliya fee o ƥiy Ahikam, too a ref o ndaan Safan, o maad oxe Babilon a dalinna ta maadooxaa took teeru ke Yudaa. Geni fo ten a ndeer xeet fee mbaat o dal muu jofooxoonga.» O aa-adax oxe no yeeyetax we no maad oxe a cooxaan ñaamel fo neexil soo a xaƴin ta ret.

Yeremi 40:7

A jeg’a aa-adax no xiixire we Yudaa maad’ina o pasarooxaa na koƥ alaa. Den fo goor den a yega yee o maad oxe Babilon a dalin’a a Gedaliya fee o ƥiy Ahikam ta maadooxaa no saax le soo a doxnin goor, rew, xa caaƈ fo rool we no saax le ƥis’aandeena Babilon took o hup doole.

A kim a tedu ke 109:5

Kaa ndabditaxam a pi a paax es paaxeer, mbañir a ref ndabid o mbeq es fa den.

A kim a tedu ke 41:9

«Jam daliran. Oxe wondooxa too inooxkatee muk.»

2 Sami’el 3:27

Ye Abineer a nomtooxiidna Hebron, Yowab a xoyaan da sayoox no don-maax ole na teeru fee, a fi nen oxaa bugna o waxtaan fo ten na pet. Maaga Yowab a dibtu a Abineer no fud. A waraan, yaam ne ta war’ina a Asa’el fee o ndeɓ um.

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

Yeremi 40:8

A soƥiida a Gedaliya Mispa. Den ndeeƭu Isma’el fee o ƥiy Netaniya, Yohanan fa Yoonatan we xa ƥiy Kare’a, Seraya fee o ƥiy Tanhumet, xa ƥiy xa koor axe Efay fee genna Netofa fa Yesaniya fee rimeena Maaka, den fo goor den.

Yeremi 41:3

Isma’el a warahina goor Yuuyudaa we ndeeƭna fa Gedaliya fop kam Mispa fo xiixire Kaakalde we ndeeƭna maaga.

Yeremi 40:14

a layin ee: «Ndax andaa a paax ee Baalis fee o maad no Aa-amon we a luliida a Isma’el fee o ƥiy Netaniya, ndax ta jang o ñis of?» Kaa koy, Gedaliya fee o ƥiy Ahikam gim’ee fa lay den.

Yeremi 40:16

Kaa koy, Gedaliya fee o ƥiy Ahikam a doona a Yohanan fee o ƥiy Kare’a yee: «Ba o fi kaaga, yaam ke o layaa na Isma’el jegee.»