Yeremi 41:16 - NQAARIIT NE ROOG

¹⁶ Yohanan fee o ƥiy Kare’a fo aa-adax we no xiixire we fop ndeeƭna fo ten a nqota yoqatin we na xeet fee fop Isma’el fee o ƥiy Netaniya a ɓistiid’ina Mispa a cinj ye Gedaliya fee o ƥiy Ahikam a wareena. A jeg’a na den goor xiixire, rew, xa caaƈ fo cawdiin. Den fop Yohanan a nomtitiida a den Gibe’on.

Yeremi 41:16 Referans Kwoze

Yeremi 42:8

Maaga, Yeremi a xoya a Yohanan fee o ƥiy Kare’a fo aa-adax we no xiixire we fop yoonna fo ten fo wiin we ndeeƭna maaga fop, a xotit no xe moƴna o neew boo no xe moƴna o maak.

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.

2 Maad we 25:23

Ye aa-adax we no xiixire we Yudaa fop a yegna, den fo goor den ee o maad oxe Babilon a dalin’a a Gedaliya, a soƥka a Gedaliya Mispa. Den ndeeƭu Isma’el fee o ƥiy Netaniya, Yohanan fee o ƥiy Kare’a, Seraya fee o ƥiy Tanhumet fee gen’ina Netofa, fa Yaasaniya fee gen’ina Maaka, den fo goor den.