Yeremi 41:1 - NQAARIIT NE ROOG

¹ No nqool o ɓetuu ƭikandeer onqe no hiid o leng kut olaaga, Isma’el fee o ƥiy Netaniya, too a ref o ndaan Elisama, a gara Mispa me Gedaliya, a yoon fo goor xarɓaxay. Isma’el kaa fog’u no ƥasil no maad, a ref o leng no aa-adax no xiixire we no maad oxe. A ndeerandoora a ñaamaa kam Mispa.

Yeremi 41:1 Referans Kwoze

Yeremi 40:8

A soƥiida a Gedaliya Mispa. Den ndeeƭu Isma’el fee o ƥiy Netaniya, Yohanan fa Yoonatan we xa ƥiy Kare’a, Seraya fee o ƥiy Tanhumet, xa ƥiy xa koor axe Efay fee genna Netofa fa Yesaniya fee rimeena Maaka, den fo goor den.

Yeremi 40:6

Yeremi a reta maa Gedaliya fee o ƥiy Ahikam, maaga Mispa, soo a genat fo ten a ndeer no we na xeet fee yoq’ina no saax le.

A kim a tedu ke 41:9

«Jam daliran. Oxe wondooxa too inooxkatee muk.»

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

Heseki’el 17:13

A jila dugatin no kurcala le no maad oxe, a dalin fo ten ngiɓoor, a daaɓooxnoorin. A ɓisa wiin maak we no saax le,

Yeremi 36:20

Den fa qoox den a ndeta no maax ole, me no maad oxe, cinj ye da nqaƴna o laxas safe le na ndok ale Elisama fee o piibind oxe. A yegna o maad oxe ke xew’ina fop.

Yeremi 36:12

soo a fudoox no mbind no maad ne, na ndok ale no piibind oxe. Kelfa ke fop kaa mbokatoor’u maaga. A jeg’a a Elisama fee o piibind oxe, Delaya fee o ƥiy Semaya, Elnatan fee o ƥiy Akboor, Gemarya fee o ƥiy Safan, Sedekiya fee o ƥiy Hananiya fo kelfa lakas ke fop.

Xa peƭit axe 27:4

Ngañak kaa yedin, fuux le a ref nen poofi kaa mbalna, naal koy, an waagun o xox?

Xa peƭit axe 13:10

A magnandax qasir doŋ a oraa, o nan-gilooxaa xa as axe mat a ref o jeg-yiif.

A kim a tedu ke 109:5

Kaa ndabditaxam a pi a paax es paaxeer, mbañir a ref ndabid o mbeq es fa den.

2 Caloori ke 22:10

Ye Ataliya fee ya no maad Ahasiya a yegna yee o ƥeem a xona, a inooxa, a saŋik ƥasil no maad ne kam Yudaa fop.

2 Maad we 25:25

Kaa koy, no nqool o ɓetuu ƭikandeer onqe, Isma’el fee o ƥiy Netaniya, too a ref o ndaan Elisama, fog’ina no ƥasil no maad, a gara, a yoon fo goor xarɓaxay, soo da mbar a Gedaliya fo Yuuyudaa we fo Baababilon we ndeeƭna fo ten Mispa.

2 Maad we 11:1

Ye Ataliya fee ya no maad Ahasiya a yegna yee o ƥeem a xona, a inooxa, a saŋik ƥasil no maad ne kam Yudaa fop.

2 Sami’el 3:27

Ye Abineer a nomtooxiidna Hebron, Yowab a xoyaan da sayoox no don-maax ole na teeru fee, a fi nen oxaa bugna o waxtaan fo ten na pet. Maaga Yowab a dibtu a Abineer no fud. A waraan, yaam ne ta war’ina a Asa’el fee o ndeɓ um.

Yeremi 39:14

a lulta o nqotankel a Yeremi no maax olaa no yeeyetax we. A ƥoxotaan a Gedaliya fee o ƥiy Ahikam, too a ref o ndaan Safan, ndax ta ɓisin ta xaad. Neene, Yeremi a genoogata a ndeer xeet fee.

Yeremi 40:5

Maaga, ne Yeremi a maad’ina o doongaa ke ta fi’kaa, Nebusaradan a ɓaata teen ee: «Nomtooxi maa Gedaliya fee o ƥiy Ahikam, too a ref o ndaan Safan, o maad oxe Babilon a dalinna ta maadooxaa took teeru ke Yudaa. Geni fo ten a ndeer xeet fee mbaat o dal muu jofooxoonga.» O aa-adax oxe no yeeyetax we no maad oxe a cooxaan ñaamel fo neexil soo a xaƴin ta ret.

Yeremi 40:13

Yohanan fee o ƥiy Kare’a fo aa-adax we no xiixire we fop ndeeƭna na koƥ alaa a soƥiida a Gedaliya Mispa,

2 Maad we 25:22

Nebukadnesaar fee o maad oxe Babilon a dalna a Gedaliya fee o ƥiy Ahikam, too a ref o ndaan Safan, ta ref gofornoor no wiin we ta xaƴ’ina kam saax laa Yudaa.

Yeremi 40:7

A jeg’a aa-adax no xiixire we Yudaa maad’ina o pasarooxaa na koƥ alaa. Den fo goor den a yega yee o maad oxe Babilon a dalin’a a Gedaliya fee o ƥiy Ahikam ta maadooxaa no saax le soo a doxnin goor, rew, xa caaƈ fo rool we no saax le ƥis’aandeena Babilon took o hup doole.