Yeremi 40:8 - NQAARIIT NE ROOG

⁸ A soƥiida a Gedaliya Mispa. Den ndeeƭu Isma’el fee o ƥiy Netaniya, Yohanan fa Yoonatan we xa ƥiy Kare’a, Seraya fee o ƥiy Tanhumet, xa ƥiy xa koor axe Efay fee genna Netofa fa Yesaniya fee rimeena Maaka, den fo goor den.

Yeremi 40:8 Referans Kwoze

Yeremi 42:1

Aa-adax we no xiixire we fop, moƴtaa sax Yohanan fee o ƥiy Kare’a fa Asariya fee o ƥiy Hosaya, fo wiin we ndeeƭna maaga fop, a xotit no xe moƴna o neew boo no xe moƴna o maak, a ngara

A cangatin ale 3:14

Ya’iir fee o ndaan Manaase a jaɓ’a o fiisel ole Argob fop boo no ŋat olaa no Geegesuur we fo Maamaaka we. A ne’ta a xoox um o saax oleene na Basan, too xa taland axe Ya’iir a maadu o nqoyeel boo no ñaal roog ne xaye.

Yeremi 43:2

Asariya fee o ƥiy Hosaya, Yohanan fee o ƥiy Kare’a fo goor felnooxu we fop a laya a Yeremi yee: «Ke o layaa jegee, o Yaal oxe Roog in lulirang o lay a in ee i mbaree o ndet Misira, ndax i laqook maaga.

Yeremi 42:8

Maaga, Yeremi a xoya a Yohanan fee o ƥiy Kare’a fo aa-adax we no xiixire we fop yoonna fo ten fo wiin we ndeeƭna maaga fop, a xotit no xe moƴna o neew boo no xe moƴna o maak.

Yeremi 40:6

Yeremi a reta maa Gedaliya fee o ƥiy Ahikam, maaga Mispa, soo a genat fo ten a ndeer no we na xeet fee yoq’ina no saax le.

Nehemi 7:26

we Betleheem fo we Netofa: teemeed fo qarɓeen ɓetuu tadik fo ɓetuu daduk,

Esdaraas 2:22

we Netofa: qarɓeen ƥetik fo ɓetuu fa leng,

2 Sami’el 10:8

Aa-amon we a sutooxa, a njagandooxan a ñoq ale mbaambir ndokand ne na teeru fee. Aa-araam we Cooba fo we Rehob fo xiixire we Toob fo we Maaka a kesooxa no saax o lakas kam xa saawit axe.

2 Sami’el 10:6

Aa-amon we a and’ata koy ee a mbuuxnoora a Dawid. Ten taxu da njaɓ o ndabid Aa-araam we ndefna Bet-Rehob fa Cooba xiixire cuni qarɓeen ƭik fo xiixire juni no we no maad oxe Maaka fo xiixire cuni xarɓaxay fo cuni ƭik waa ngenna Toob.

Yosuwe 12:5

Ten maadooxoogu no joong olaa Hermon, na teeru fee Salka, no jegel ole Basan fop boo no ŋat olaa no Geegesuur we, Maamaaka we fo na genwal fee no jegel ole Galaad boo no maat naa Siihon fee o maad Hesebon.

Yeremi 43:5

Yohanan fo aa-adax lakas we no xiixire we a nqota boog yoqatin we Yudaa fop nomtoortiid’ina a ndeer qeet ke da pasaroox’ina fop, ndax da ngen no saax le Yudaa.

Yeremi 40:11

Yuuyudaa we fop oo ndeeƭna Mowaab, maa no Aa-amon we, kam Edoom fo na saax a lakas ake fop a yega yee o maad oxe Babilon a xaƴ’a yoqatin kam Yudaa, a dalnan a den a Gedaliya fee o ƥiy Ahikam, too a ref o ndaan Safan, ta maadooxaa took den.

Yeremi 38:26

Fat o doon a den ee: ‹Kaam xeɗooxoogu o maad oxe, ndax nomitkiraam no mbind Yoonatan, ndik um xonit maaga.› »

Yeremi 37:20

Ndiiki koy, nan-gilooxi, wo daali maad o yaal es! Ngela jaɓi a qeƭ es. Ba o nomtaam no mbind Yoonatan fee o piibind oxe, yaam ndik um xonit maaga.»

Yeremi 37:15

Weene a mbuuxana a Yeremi, a nqawin soo a mbegin no mbind Yoonatan fee o piibind oxe no maad oxe, maa da mbi’atna kaso.

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

1 Caloori ke 11:30

Mahray fee gen’ina Netofa, Heled fee o ƥiy Baana gen’ina Netofa,

1 Caloori ke 2:54

Xa taan axe Salmoon ndefu: wiin we Betleheem fo we Netofa fo we Atrot-Bet-Yowab fa genwal fee no wiin we Manahat fo Soosora we.

1 Caloori ke 2:48

Kaleb a jeg’a ngeƈ-a-salma lakas, ta ne’el Maaka. A rima fo ten a Seber fa Tirhana.

2 Maad we 25:25

Kaa koy, no nqool o ɓetuu ƭikandeer onqe, Isma’el fee o ƥiy Netaniya, too a ref o ndaan Elisama, fog’ina no ƥasil no maad, a gara, a yoon fo goor xarɓaxay, soo da mbar a Gedaliya fo Yuuyudaa we fo Baababilon we ndeeƭna fo ten Mispa.

2 Maad we 25:23

Ye aa-adax we no xiixire we Yudaa fop a yegna, den fo goor den ee o maad oxe Babilon a dalin’a a Gedaliya, a soƥka a Gedaliya Mispa. Den ndeeƭu Isma’el fee o ƥiy Netaniya, Yohanan fee o ƥiy Kare’a, Seraya fee o ƥiy Tanhumet fee gen’ina Netofa, fa Yaasaniya fee gen’ina Maaka, den fo goor den.

2 Sami’el 23:34

Elifelet fee o ƥiy Ahasbay fee gen’ina Maaka, Eliyam fee o ƥiy Ahitofel fee gen’ina Gilo,

Yeremi 40:13

Yohanan fee o ƥiy Kare’a fo aa-adax we no xiixire we fop ndeeƭna na koƥ alaa a soƥiida a Gedaliya Mispa,

Yeremi 40:14

a layin ee: «Ndax andaa a paax ee Baalis fee o maad no Aa-amon we a luliida a Isma’el fee o ƥiy Netaniya, ndax ta jang o ñis of?» Kaa koy, Gedaliya fee o ƥiy Ahikam gim’ee fa lay den.

Yeremi 40:15

Maaga, Yohanan fee o ƥiy Kare’a a lay’a a Gedaliya na pet maaga Mispa yee: «Xaƴi um ret war a Isma’el fee o ƥiy Netaniya. O leng andkiran. Xar na taxkaa ta xaƴel a jang o ñis of? Xar taxu we ngenna Yudaa mbokatoorna me wo a pasarooxkahinaa, soo yoqatin we Yudaa a saŋkoox?»

Yeremi 41:1

No nqool o ɓetuu ƭikandeer onqe no hiid o leng kut olaaga, Isma’el fee o ƥiy Netaniya, too a ref o ndaan Elisama, a gara Mispa me Gedaliya, a yoon fo goor xarɓaxay. Isma’el kaa fog’u no ƥasil no maad, a ref o leng no aa-adax no xiixire we no maad oxe. A ndeerandoora a ñaamaa kam Mispa.

Yeremi 41:2

Maaga, Isma’el a naaga daket, ten fo goor xarɓaxay we yoon’ina fo ten, soo a nqawit laƥ a Gedaliya fee o ƥiy Ahikam, too a ref o ndaan Safan. Naaga, a mbara oxe o maad oxe Babilon a dalin’ina ta maadooxaa no saax le.

Yeremi 41:11

Yohanan fee o ƥiy Kare’a fo aa-adax we no xiixire we fop ndeeƭna fo ten a yega paaxeer ke Isma’el fee o ƥiy Netaniya a fi’ina fop.