Yeremi 40:7 - NQAARIIT NE ROOG

⁷ A jeg’a aa-adax no xiixire we Yudaa maad’ina o pasarooxaa na koƥ alaa. Den fo goor den a yega yee o maad oxe Babilon a dalin’a a Gedaliya fee o ƥiy Ahikam ta maadooxaa no saax le soo a doxnin goor, rew, xa caaƈ fo rool we no saax le ƥis’aandeena Babilon took o hup doole.

Yeremi 40:7 Referans Kwoze

Yeremi 39:10

Kaa koy, rool we na xeet fee, we njeg’eerna dara, Nebusaradan a xaƴa a den da ngen no saax le Yudaa, a ci a den no ñaal naaga a ƭing taxar biiñ fo xa qol.

Heseki’el 45:16

Xeet fee fop no saax le a mbara o mbatnan o kelwaar oxe Isra’el a las aleene.

Yeremi 39:4

Yaa Sedekiya fee o maad Yudaa fo xiixire we ten fop a nga’na ke xew’ina, a ƈufa, a sutoox teeru fee no yeng ole, a ndeef na ƭat ale na ƭing ale no maad oxe, no ndokand ne refna a ndeer saŋe ƭik ke soo a nqot a ƭat ale jaginna no xuluɓ olaa Yordaan.

2 Maad we 25:4

o gur a sexe no saŋe ne na teeru fee. O maad oxe fo xiixire we fop a ƈufa no yeng ole, a ndeef na ƭat ale no ndokand ne refna ndeer saŋe ƭik ke paam a ƭing ale no maad oxe, a soƥ Baababilon we a mbid teeru fee o kurul-keƥ. Ƴuuƴuf we a nqota a ƭat ale jaginna no xuluɓ olaa Yordaan.

2 Maad we 25:12

Kaa koy, a xaƴ’a leng-leng no we moƴ’ina o ndool no saax le nen ɗiiɗing taxar biiñ fo xooxoox.

Yeremi 41:11

Yohanan fee o ƥiy Kare’a fo aa-adax we no xiixire we fop ndeeƭna fo ten a yega paaxeer ke Isma’el fee o ƥiy Netaniya a fi’ina fop.

Yeremi 43:6

A jeg’a na den goor, rew, xa teɓandoong, xa ƥiy xa tew axe no maad oxe fo fop we Nebusaradan fee adooxanna yeeyetax we no maad oxe Babilon a doxin’ina a Gedaliya fee o ƥiy Ahikam, too a ref o ndaan Safan, o tuleer Yeremi itam fa Baruk fee o ƥiy Neriya.

Yeremi 52:16

Kaa koy, Nebusaradan fee adooxan’ina yeeytax we a xaƴ’a leng-leng no we moƴ’ina o ndool no saax le nen ɗiiɗing taxar biiñ fo xooxoox.

Yeremi 39:9

Cinj kaaga, Nebusaradan fee adooxanna yeeyetax we no maad oxe a ɓisa took o hup doole Babilon we maad’ina o ngenaa na teeru fee, we ƥoxotoox’ina no Kaakalde we fo we yoq’ina no baane ke.

Yeremi 39:14

a lulta o nqotankel a Yeremi no maax olaa no yeeyetax we. A ƥoxotaan a Gedaliya fee o ƥiy Ahikam, too a ref o ndaan Safan, ndax ta ɓisin ta xaad. Neene, Yeremi a genoogata a ndeer xeet fee.

Yeremi 41:1

No nqool o ɓetuu ƭikandeer onqe no hiid o leng kut olaaga, Isma’el fee o ƥiy Netaniya, too a ref o ndaan Elisama, a gara Mispa me Gedaliya, a yoon fo goor xarɓaxay. Isma’el kaa fog’u no ƥasil no maad, a ref o leng no aa-adax no xiixire we no maad oxe. A ndeerandoora a ñaamaa kam Mispa.

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.