Yeremi 40:5 - NQAARIIT NE ROOG

⁵ Maaga, ne Yeremi a maad’ina o doongaa ke ta fi’kaa, Nebusaradan a ɓaata teen ee: «Nomtooxi maa Gedaliya fee o ƥiy Ahikam, too a ref o ndaan Safan, o maad oxe Babilon a dalinna ta maadooxaa took teeru ke Yudaa. Geni fo ten a ndeer xeet fee mbaat o dal muu jofooxoonga.» O aa-adax oxe no yeeyetax we no maad oxe a cooxaan ñaamel fo neexil soo a xaƴin ta ret.

Yeremi 40:5 Referans Kwoze

Yeremi 39:14

a lulta o nqotankel a Yeremi no maax olaa no yeeyetax we. A ƥoxotaan a Gedaliya fee o ƥiy Ahikam, too a ref o ndaan Safan, ndax ta ɓisin ta xaad. Neene, Yeremi a genoogata a ndeer xeet fee.

Yeremi 41:2

Maaga, Isma’el a naaga daket, ten fo goor xarɓaxay we yoon’ina fo ten, soo a nqawit laƥ a Gedaliya fee o ƥiy Ahikam, too a ref o ndaan Safan. Naaga, a mbara oxe o maad oxe Babilon a dalin’ina ta maadooxaa no saax le.

Hebre 13:6

Ten taxu i mbaag o lay fo a koolax ee: «O Yaal oxe refu oxe na ƴufgiidaxam, saɗariim dara. Xar o kiin a waagankaxam?»

A pi ake 28:10

A ci’a a in cer boo ta hup, too ye i mbaajaa o ndet, a coox’a a in fop ke jegna o njiriiñ na ñaaƈ ale in.

A pi ake 27:43

Kaa koy, o aa-adax oxaa no xiixire teemeed waa a bug’a o mucil a Pool, too a fañta a den da mbi pexey naaga. Cinj kaaga, a hebla we mbaagna a beƈ da eet o mbool no foofi le, ndax da ndaaw tambando fee.

A pi ake 27:3

No feet olaa, i mbadiida na teeru faa Sidoŋ. Yuliyus fee andoona koy ee kaa faax’u na Pool bo, a ci’a a Pool ta ret maa no qaariit um, ndax da topatooxin.

Yeremi 40:4

Wo o mat, xam woktanong xaye ceen ke na xa ƥay of. O yoon fa mi Babilon a jofooxangaang, gari, too xam topatooxong a paax. Kaa koy, a jofooxangirang itam, ba o gar. Ɗeetangi, saax le fop oxey mbaambir of, reti muu jagooxoonga too a jofooxong.»

Yeremi 26:24

Yeremi o mat, Ahikam fee o ƥiy Safan saytoox’un. Ten taxu Yeremi ɓoxot’aand na xa ƥay xeet fee, ndax ta warel.

Yeremi 15:11

Kaa koy, o Yaal oxe a laya yee: «Xam watong. Xam fi fañ of a ƈufginooxong yaa fa taamaala den, yaa fa naqad den.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

Xa peƭit axe 16:7

Boo a pesoorooƭ no kiin a felna o Yaal oxe, a naagaan o jofoorandaa fo fañ um sax.

Ke bindeena no xe ne’eena YOB 22:29

Boo Roog a yisinna o kiin, kaa o layaa yee a magnandax um taxun, ndaa pexey oo naa Roog a muclitan.

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

Esdaraas 7:27

Esdaraas a falalooxa yee: «A simat a hela o Yaal oxe Roog fee no daan in riñna o maad oxe ta niwit neene Mbind ne no Yaal oxe refna kam Yeerusaleem.

Esdaraas 7:6

Esdaraas feene a inoortiida Babilon. Kaa reeƭu o piibind oxaa andna a paax kebil ke Moyiis o Yaal oxe Roog fee Isra’el a cooxit’ina. O maad oxe a ci’ooga a Esdaraas fop ke ta xeɗoogna, yaam o Yaal oxe Roog um a reeƭa fo ten.

2 Caloori ke 34:20

A xoyna a Hilkiya fa Ahikam fee o ƥiy Safan fa Abdon fee o ƥiy Mika fa Safan fee o piibind oxe fa Asaya fee o leng no dag we ten, a lay a den ee:

2 Maad we 22:14

Hilkiya fee o saasadax oxe fa Ahikam fa Akboor fa Safan fa Asaya a ndeta maa Hulda fee o tuleer o tew oxe gen’ina no sinjaan qas ke Yeerusaleem. O kor um Saalum a ne’’e, a ref o ƥiy Tikwa fo o ndaan Harhas too a topatooxoogu toki tedu ke no Mbind Roog ne. A njangtooxa o tew oxe ke xew’ina.

2 Maad we 22:12

A xoyna a Hilkiya fee o saasadax oxe fa Ahikam fee o ƥiy Safan fa Akboor fee o ƥiy Mikaya fa Safan fee o piibind oxe fa Asaya fee o leng no dag we ten, a lay a den ee:

Yeremi 41:1

No nqool o ɓetuu ƭikandeer onqe no hiid o leng kut olaaga, Isma’el fee o ƥiy Netaniya, too a ref o ndaan Elisama, a gara Mispa me Gedaliya, a yoon fo goor xarɓaxay. Isma’el kaa fog’u no ƥasil no maad, a ref o leng no aa-adax no xiixire we no maad oxe. A ndeerandoora a ñaamaa kam Mispa.

Yeremi 41:18

ndax da ngoƭ Kaakalde we. Kaa saɗaroogu a den, yaam ne Isma’el fee o ƥiy Netaniya a war’ina a Gedaliya fee o ƥiy Ahikam o maad oxe Babilon a dalin’ina ta maadooxaa no saax le.