Yeremi 40:3 - NQAARIIT NE ROOG

³ Ndiiki koy, o Yaal oxe a hebliida, a fadin ke ta yegnit’ina. Ne nu tooñna o Yaal oxe too nu nan-gilooxee o ñuxur um, taxu keene a dal a nuun.

Yeremi 40:3 Referans Kwoze

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Nehemi 9:33

Wo, kaa o jof no fop ke dalna a in, yaam fesoortaa ngor, soo in o mat, i mbi paaxeer.

Nehemi 9:28

Kaa koy, yaa da mbateena mbat rek, a ndefahina no mbi’aa paaxeer mbaambir of. Maaga, waasahinaa a den na xa ƥay no fañ den, da ngal’andaa a den. A ƈufginooxahinaang, soo o fod na asamaan, nanaa a den. Kam yirmande fa maak fee wo, wataa a den a caf a mayu.

A cangatin ale 29:25

a mbaɗook roog lakas, a ngungaa mbaambir den, roog kaa da and’eerna, too o Yaal oxe a xañit’u a den, da mbaɗooxaa a den.

Yeremi 44:23

Yaam ne nu ndoxanna roog can cuuraay, mbakaad no Yaal oxe, yaam ne nu nan-gilooxeerna o ñuxur no Yaal oxe too nu ndeefee kebil um, bargal um fo a cangin um, taxu taamaala feeke a dal a nuun, ne ta refitna xaye.»

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 22:8

Wiin a saax a mayu xan a ndeef paam teeru feene, a laamtiraa yee: ‹Xar taxu o Yaal oxe a fesoor neeke fa teeru fa maak fene?›

Yeremi 39:16

«Reti lay a Ebed-Melek, o Kuukuus oxe yee: Keeke o Yaal oxe Roog fee Isra’el Hupna fop a layu: ‹Xam fadin ke yegnituuma took teeru fene: Refee koy jam ndaa taamaala. Keene xan a fadnoox na kid of a koom.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.