Yeremi 40:11 - NQAARIIT NE ROOG

¹¹ Yuuyudaa we fop oo ndeeƭna Mowaab, maa no Aa-amon we, kam Edoom fo na saax a lakas ake fop a yega yee o maad oxe Babilon a xaƴ’a yoqatin kam Yudaa, a dalnan a den a Gedaliya fee o ƥiy Ahikam, too a ref o ndaan Safan, ta maadooxaa took den.

Yeremi 40:11 Referans Kwoze

Esayi 16:4

Xaƴi we suteena saax le Mowaab, da ngen me wo. Ci’i a den maa da laqooxna o yaayaq oxe boo yaa toroxat ne a watkaa, a ƭom-yedar ake a mbaaf, soo oxe na ruudnaa a sutoox saax le.

Heseki’el 35:15

Feek kaa o felakinoox na kef ale no mbaafaap ne Isra’el, xam doonong leng kut ke. Wo o joong ole Seyiir xan o fiitnel fa Edoom fop, too xan fop a and ee mi refu o Yaal oxe.»

Heseki’el 35:5

Feek kaa o gen cay no fañraa fo Ii-isra’el we, soo maafit a den laƥ ye fa naqad den, ye tooñ den a hupna,

Heseki’el 25:12

Keeke o Yaal oxe na refkaa boo faw a layu: «Yaam a pi a tabdinoor ake Edoom a soobooxna took mbind Yudaa, feek kaa gadin a xoox um tooñ ye ta rabdinooxna,

Heseki’el 25:8

Keeke o Yaal oxe na refkaa boo faw a layu: «Feek Mowaab fa Seyiir kaa lay ee: ‹Mbind Yudaa leng kut oo fo qeet lakas ke›,

Heseki’el 25:6

Keeke o Yaal oxe na refkaa boo faw a layu: «Feek kaa o fox, fecoox soo felakinoox, doon teen xeef a Isra’el tigi kam ee kam of,

Heseki’el 25:2

«Wo fee o ƥiy no kiin, geleerooxi farna fo Aa-amon we too jo’tanaam a den!

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Heseki’el 5:3

Xan o watin teen kaa jaakeerna, fofin no noflax ndoki of.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

1 Sami’el 12:12

Ye nu nga’na yee Naahas, o maad oxe no Aa-amon we kaa songiidaa a nuun, kaa nu layaam ee: ‹Neeke waagee suur, o maad i soxla’u.› Yaaga fop toox de, o Yaal oxe Roog nuun refu o maad nuun.

1 Sami’el 11:1

Ngap o nqool a cinj kaaga, Naahas, o Aa-amon oxe a gara, a wid teeru faa Yabes no saax laa Galaad o kurul-keƥ, ndax ta songin. Wiin waa Yabes a laya a Naahas ee: «Dalni fa in ngiɓoor, too yaaga xan i ndagooxong.»

A lim ale 25:1

Ii-isra’el we a ngenooga Sitiim. Maaga goor we na xeet fee a njimbooxa no ceeq fo roog Moomowaab we.

A lim ale 22:1

Ii-isra’el we a ƭisahina, a ndalik na xa saawit axaa Mowaab, farna fo batand naa Yordaan, a njasnoor fa Yeriko.

Mberaand 36:8

Neene, Esawu fee xoyoogahineena Edoom a genka na xa coong axaa Seyiir.

A lim ale 25:2

Weene a ƥeka a den da ñaamaa sadax ke ƥoxoteena roog ke den, soo a mbaɗooxaa roog keene.

Esayi 11:14

Xan a mbokatoor, a yaadin Fiifilista we farna fo mudand, a njaɓ kalal ke no we ngenna no batand, a ndoon o ɓay na Edoom fa Mowaab soo a ngame Aa-amon we.

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.

Yeremi 43:5

Yohanan fo aa-adax lakas we no xiixire we a nqota boog yoqatin we Yudaa fop nomtoortiid’ina a ndeer qeet ke da pasaroox’ina fop, ndax da ngen no saax le Yudaa.

Heseki’el 34:6

Paal ke mi we njoqooyooxaa took xa coong axe fop fo took a ñaang a ciig ake fop. Paal ke mi a pasarooxa kam saax le fop, o leng topatooxee a den, o leng waaƭee a den.

Yeremi 43:6

A jeg’a na den goor, rew, xa teɓandoong, xa ƥiy xa tew axe no maad oxe fo fop we Nebusaradan fee adooxanna yeeyetax we no maad oxe Babilon a doxin’ina a Gedaliya fee o ƥiy Ahikam, too a ref o ndaan Safan, o tuleer Yeremi itam fa Baruk fee o ƥiy Neriya.