Yeremi 4:8 - NQAARIIT NE ROOG

⁸ Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

Yeremi 4:8 Referans Kwoze

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Esayi 32:11

Njaaxiɗyo boog, nuun we yaadooxna. Sendyo yaam diid, nuun we yegeerna dara. Mbolooxyo boo yoq duŋ soo nderoox o saaku.

Esayi 10:4

O lupandoox fo we ndameena soom nu yoqɗu mbaat nu yen fo we mbareena. Kaa koy, keene fop taxkee fuux le no Yaal oxe a ɓoos, too o ɓay um ole yoɗooxa boo fa ndiik.

Esayi 5:25

Ten taxu fuux le no Yaal oxe a biltooxan xeet um, ta yoɗ o ɓay um soo a xawin. Xa coong axe kaa sendaa, soo xa tal axe yee ɗareet no ped ke nen ƭaaq. Kaa koy, keene fop taxee fuux um a ɓoos, too o ɓay um ole yoɗooxa boo fa ndiik.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Heseki’el 30:2

«Wo fee o ƥiy no kiin, jo’tanaam! Fat o lay ee: Keeke o Yaal oxe na refkaa boo faw a layu: Ƭomatooxyo yee: Cey, koo bes fene!

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Yeremi 48:20

Mowaab a seda ɓot, yaam a maafe. Iinyo soo mbuuq! Yegnityo took o xuluɓ ole Arnon ee: «Mowaab a bayte!»

Yeremi 30:24

Fuux le no Yaal oxe ɓooskee boo yaa ta fi’kaa, a fadin yuuƥ ke no xeeñ um. Xan a jeg camaane kaa nu andkan.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Esayi 9:17

A woora yee, kañaan ne xan a dox nen takar-ñiig fo tomb kaa fiɗel a raaɓaa. Xan a kaƥ nen o ñaay olaa na raaɓaa suungaan niɓu, soo a fi a eel fo suun akaa na yoɗooxaa.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

A kim a tedu ke 78:49

fuux ɗomu le ten a biltooxana a den, ta fuux boo a buɓaa, a sayan a den, a hebliid took den a yaj no malaaka yaayaq.

A lim ale 25:4

O Yaal oxe a laya a Moyiis ee: «Xoti aa-adax we no wiin weene fop, rok a den o ƥaak no cok na kid no fop mbaambir es, ndax fuux ɗomu le fuuxanuuma a nuun, nuun Ii-isra’el we, a ɓoos.»

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Yeremi 25:34

Nuun ɗooɗox we, iinyo too mbuuq, nuun yaal xa siir axe, mbirkilooxyo a lanq, yaam ñaal ke nu nqiriskeel soo pasarel a mbadiida. Xan nu yen nen o ƥaxañ o cegu njiriiñ.

Mise 1:16

Nuun we ngenna Yeerusaleem, nduusooxyo, mboy wiil nuun, naqadiloox yaam xa ƥiy axe nuun nu mbexna mbex! Meelinyo a qoox nuun nen a tud, yaam xan xa ƥiy nuun a ƥisel gilaa saax took o hup doole, maa goƭna a nuun.