Yeremi 4:7 - NQAARIIT NE ROOG

⁷ Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Yeremi 4:7 Referans Kwoze

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

Esayi 1:7

Saax le nuun kaa naag halit, fiɗel le a raaɓ teeru ke nuun, soo wiin jan a nduudnaa saxade le nuun na kid nuun. Fop kaa fiit nen maa yaayaq a ƥeerna.

Dañel 7:4

Fa eetaand fee kaa nandtoogu njogoy, ndaa a nafir a canjiik a saq’u. Kaam ɗeetoogun, boo neen a nafir ake ten a mbofe, ta yoɗtel a lanq, a geennitel a caf a ciijing ake ten nen o kiin soo a cooxel sagu no kiin.

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 49:19

Ga’angi, nen njogoy naa na sutoortiidaa no joc ole Yordaan, a jagin na xa suufand xa quƥu sap axaa, neene, ndeer ñaf fo ƭeet, xam rax Ee-edoom we no saax le den, dalin teen oxe um jilkaa. Ndi an nandu fa mi? An saɗu xeloor fa mi? O aa-adax oxum na xoxkaa mbaambir es?»

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 33:10

Keeke o Yaal oxe a layu: «Kaa nu layaa yee saax lene a raadne boo jegatee wiin mbaat muumeen. A woora kañ ee teeru ke Yudaa fo ped ke Yeerusaleem a mbootata, ngenataand, njegatee wiin mbaat muumeen. Kaa koy, xan xa soroxole fo xa ƈeel, o ñuxur no kor-no-kulook oxe fo ole no kulook oxe a nantahinel teen. A kim ale no we na ƥisiidaa no Mbind Roog ne sadax kidmir xan a nanahinel ee: ‹Simatyo o Yaal oxe Hupna fop, yaam a faaxa, too o mbeq um xan a maadaa boo faw!› Yaam xam nomtiid we no saax le ƥiseena gilaa saax took o hup doole, dalnatin a den nen yaaga. Mi o Yaal oxe layun.»

Yeremi 26:9

Xar taxu o yegnitaa no gon no Yaal oxe yee Mbind neeke xan a nand nen a Silo, soo teeru feeke a tasel, a fes a pec?» Maaga, fop waa ndeeƭna no Mbind Roog ne a mbokatoorana a Yeremi.

Yeremi 25:38

A waasa ngenand um, ne o njogoy o njanglax a waastaa nqanq um, yaam saax le den a raadnite fuux le no yaayaq oxe fo fuux ɗomu le ten.

Esayi 5:9

Nanoodaam a qool qac xa ƭelem axeeke no Yaal oxe Hupna fop: «Mexe daaɓooxaa yee pind mayaan keene xan a yoq o ƥor. Kaam ee pind maak mosu keene xan a mbes a pec.

2 Maad we 24:1

Na jamaane Yoyakim, Nebukadnesaar fee o maad oxe Babilon a inooxana saax le Yudaa, soo Yoyakim a ɓoxotoox no ten. Kaa koy, cinj xa kiid xa tadaq, Yoyakim a siiknoora fo ten.

Dañel 5:19

O magnel oleene ta daawit’ina na Roog a tax’a boo qeet ke fop fo a saax ake fop fo we no lak ke fop a sendaa mbaambir um yaam diid. Oxuu ta bug’ina o war kaa waroogun, a wuusaa oxe feluuna, a yoɗaa oxe ta bugna yoɗ, a neewand oxe ta bugna neewand.

Yeremi 50:44

Ga’angi, nen njogoy naa na sutoortiidaa no joc ole Yordaan, a jagin na xa suufand xa quƥu sap axaa, neene ndeer ñaf fo ƭeet xam rax Kaakalde we no saax le, dalin teen oxe um jilkaa. Ndi an nandu fa mi? An saɗu xeloor fa mi? O aa-adax oxum na xoxkaa mbaambir es?»

Yeremi 27:8

Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

2 Maad we 25:1

Maaga, no hiid o ɓetuu nahkandeer olaa no maat Sedekiya, no ñaal xarɓaxayandeer ne no nqool xarɓaxayandeer onqe, Nebukadnesaar fee o maad oxe Babilon a garana a Yeerusaleem, ten fo xiixire um fop. A sipa saŋe um mbaambir teeru fee, soo da mbi a uum lanq a songir me widuuna fop.

Yeremi 4:29

Teeru fee fop a ngoda o joor no fangax le no ŋaaŋaay pis we fo xaaxaƴ a qali we. Xa kus axe we njaɓnooxeel, a ƥil ake a ñayooxeel. Teeru fee fop a waase, too o leng genatee teen.

Yeremi 22:7

Inanaaxoong yaayaq, oxuu refna na den a pokoox ƥonax um. Xan a mbuuɓ a toodook taxar seedar ake wo moƴna o mbaax, soo a njoor a den na fiɗel.

Yeremi 44:2

«Keeke o Yaal oxe Roog fee Isra’el Hupna fop a layu: Nu nga’a taamaala fee fop ɓisiiduuma took Yeerusaleem fo took teeru ke Yudaa fop. Den oo weene a mbesa a pec xaye, too o leng genatee teen.

Heseki’el 12:20

Teeru ke ngeneena xan a mbes a pec, saax le a wootat, too xan nu and ee mi refu o Yaal oxe.› »

Heseki’el 21:31

Keeke o Yaal oxe na refkaa boo faw a layu: Tañalax ne xan a watnel, o ndip onqe a wolel. Fop xan a suptoox. Ke neewandeena xan a yoɗel soo ke yoɗeena a neewandel.

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 22:6

Keeke o Yaal oxe a layu no kaa jofna no mbind no maad ne Yudaa: «Kaa o nandaam nen xa coc axe Galaad, nen o jul ole Libaŋ! Kaa koy, ndax fi’kiroong a koƥ-a-ƥor, teeru faa o leng a geneerna?

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.