Yeremi 4:5 - NQAARIIT NE ROOG

⁵ Yegnityo kam Yudaa, lambin kam Yeerusaleem, luuƥ kam saax le, njibin xa buuq, lay ee: «Mbokatooryo, i ndet no teeru cegu saŋe ke!»

Yeremi 4:5 Referans Kwoze

Yeremi 8:14

Xar taxu i moof a moof a ƥor? Mbokatooryo kañ, i ndet no teeru cegu saŋe ke, ndax i saŋkoor maaga! Yaam o Yaal oxe Roog in took o saŋik a in a jofu, a yernoor a in foofi laa jegna ndoxar, yaam i mbakaada no Yaal oxe.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Yosuwe 10:20

Yosuwe fo Ii-isra’el we a nqawa Aa-amori we a qaw a ƭomu. Leng-leng na den soom ƥostoox’u na bar alaaga soo a ndaɗik no teeru cegu saŋe ke den.

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?

Yeremi 35:11

Kaa koy, ye Nebukadnesaar fee o maad oxe Babilon a songna saax le, i mbosooxa o ndet Yeerusaleem, ndax i ƈuf xiixire we no Kaakalde we fo we no Aa-araam we. Ten taxu, i ngenat Yeerusaleem.»

Yeremi 11:2

«Nannoori we ngenna Yudaa fa Yeerusaleem ndegoor ne no ngiɓoor ne mi.

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Yeremi 5:20

O Yaal oxe kaa tee: «Yeginyo mbind Yakoob kene, lambin kam Yudaa, lay ee:

A lim ale 10:3

Boo a luuƥ a ƭak akeene a njibnandooreena, fat fop a mbokatoor paam of, no ndokand ne no Ƭiif ne um xetteel, mi o Yaal oxe.

Heseki’el 7:14

A luuƥ ale a jiba, fop a jagandooxanel, ndaa o leng retee na xire, yaam fuux ɗomu le mi a biltooxana faan le fop.»

Yowel 2:1

Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

A lim ale 10:2

«Xawni a luuƥ a ƭak xaaliis. Den na mbugko nqoyteel mbokatax ne, soo a yegnaa a yaj a pogreer ake yee a tet a fada.

Esayi 28:19

A mbanuu ta garna rek, xan a maƥ a nuun, yaam xan a garaa nqes nuu refna, ñaal fo o yeng. Yaa a cangin aleene a xoolkaa a nuun, xan nu ndiid.