Yeremi 4:30 - NQAARIIT NE ROOG

³⁰ Kaa koy, wo Yeerusaleem fee bayteena, xar o fi’kaa? Kaa o rokooxaa tikoorik taalde’u, heloortaa kumooxel wurus, tusngul a kid of. Kaa o mosandooxaa na dara. Xa pes axe wo kaa sibatong, o mbarong doŋ a mbugu.

Yeremi 4:30 Referans Kwoze

2 Maad we 9:30

Isebel a yega fop ke xew’ina. Maaga, a tusngulooxa, a heloox. Ye Yehu a rokiidaa Yisre’el, Isebel a foda no falangteer olaa, a wootnooxaa.

A ƭomatax ake 1:19

Xoyaam we mbex’axama, ndaa a ngodaxam. Saasadax we mi fo maak we mi a nqona faq kam teeru fee, ye da mbaaƭaa ñaamel ndax da njokoox.

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Esayi 10:3

Xar nu mbi’kaa na bes faa no nqeloor naa, yaa a und ale a inoortiidkaa koƭu? Maa an nu ƈufkaa, ndax nu njaɓnooxin, too mam nu laqkaa kalal ke nuun?

Heseki’el 28:13

Kaa o reeƭu kam Edeen, a ƭing ale Roog. Kaa o muuroox’u fo a ƥil a cafeñu akuu ndefna: sarduwaan, topaas, jamaa, kirisolit, onik, yaspe, safiir, eskarbuukle, emerod fa wurus. A ñal ake wo fo a liit ake wo, wo a ndefan’u, a njagandan’el bes fee sakee’oona.

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Esayi 20:6

A koom we ngenna na xa cegel axeene, xan a lay ee: «Ke reeƭna yaakaar in de a sooƴa. Maaga i yaakaaroogu o njaɓnoox, ndax i ƈufgel soo mbatel no maad oxe Asuur. Ndiiki koy, nam i ndaɗitkaa?»

Mbeeñil 17:13

Den fop koy, tig leng kut ke a mbosooxu. A mbuga o ƥoxot a Ɓaanoor katil fee fa sañ-sañ fee da njegna fop.

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

Mbeeñil 17:2

Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

Heseki’el 28:9

Mbaambir o baawar oxe wo, ndax xan o layahin ee: ‹Roog refum›? O kiin doŋ refo, refiro roog ɗuga o ɓay ole no xe na warang.

A ƭomatax ake 4:17

A kid in kaa niifaar’u yaam ƈufig kasaara ne i ƈooklooxoogna. Kaa i yaakaaroogu xeet faa gareerna a ƴufgiid a in.

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

Xa peƭit axe 6:25

Ba o yaawin yaam o mosel um, too ba o jaɓ ta naxtong o ɗeet um,

Xa peƭit axe 7:10

O tew oxe a xetiida fo ten, a rokoor nen a caga, nqooƭ nof doŋ a ref no yiif um.

Yeremi 22:23

Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»

Yeremi 30:14

Fop we mbesanoogoonga a mbeecaang, mbaaƭatirang muk, yaam xawtaaxoong nen o pañ, fadong ƭomu yaam tooñ mayu ke wo fo pakaad magnu ke wo.

Abjaas 1:7

We fogtoona hiɓ xan a ngodong, a ndaxtong no fiisel of, qaariit of a ndal took of. We o reertaa o roon xan a mbooƴong, a ndamtin ee: ‹Taa o ƴiƴ ole ten?›