Yeremi 4:29 - NQAARIIT NE ROOG

²⁹ Teeru fee fop a ngoda o joor no fangax le no ŋaaŋaay pis we fo xaaxaƴ a qali we. Xa kus axe we njaɓnooxeel, a ƥil ake a ñayooxeel. Teeru fee fop a waase, too o leng genatee teen.

Yeremi 4:29 Referans Kwoze

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

YEGIL MBAAX NE YEESU ne Lik a bindtuuna 23:30

A koom, xan wiin we a layataa xa coong axe yee: ‹Ngirdooxyo took in!› Xan a layaa a ñaang ake itam ee: ‹Muuryo a in!›

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.

Yeremi 52:7

o gur a sexe no saŋe ne na teeru fee. Xiixire we fop a ƈufa, a sutoox teeru fee no yeng ole, a ndeef na ƭat ale no ndokand ne refna ndeer saŋe ƭik ke paam a ƭing ale no maad oxe, a soƥ Kaakalde we a mbid teeru fee o kurul-keƥ. Ƴuuƴuf we a nqota a ƭat ale jaginna no xuluɓ olaa Yordaan.

Esayi 30:17

Xan juni na nuun a ngod o joor yaam o leng kut oxaa na diirooxanaa a den, too xan ɓetuk rek a ndaxaa a nuun, nuun fop boo yaa nu ndefkataa nen a maaw a keenne no jul o joong, nen a teex a lupe took ñaang.»

2 Caloori ke 33:11

Maaga, o Yaal oxe a inaniida a den aa-adax we no xiixire we no maad oxe Asuur. A ngara a ndam a Manaase, a njengin, a mbeñtin ceen xanjar soo a ƥisin Babilon.

1 Sami’el 13:6

Ye goor we Isra’el a nga’na yee a sisa, kaa ƭasoogu no luf ke, na xa baaƥ axe, na xa coong axe, na semb ake fo no kas cegee foofi ke.

Esayi 6:12

boo yaa mi o Yaal oxe um riƈatkaa we ngenna no saax le, ta waasel pelek, a yoq o ƥor.

Yeremi 6:23

Kaa pokoox a qali fo a salma. Kaa ƈaxooxaa soo a ñak yirmande. Fangax le den kaa dititaa nen le no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Siyoŋ fa mosaan fee.»

Yeremi 16:16

O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.