Yeremi 4:28 - NQAARIIT NE ROOG

²⁸ Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»

Yeremi 4:28 Referans Kwoze

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Yeremi 12:4

Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Esayi 50:3

Kaam hulaa asamaan fee fo ɓaal-ee-ɓaal soo rokin ndoki ñaawoor.»

Esayi 5:30

A koom, xan a ŋuuranan nen ŋurŋur le no maag ole. Muu ɗeetoona no saax le, o niɓaan fa naqad doŋ o ga’kaa teen, a eel a ƥaal ɗok a niɓaanin njeeƈ ne.

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Hebre 7:21

Yeesu o mat, a taaƥ a dodte o saasadax, ye Roog a layuuna yee: «Mi o Yaal oxe, daaɓooxaam, too nomtooxkiim a cinj. Kaam ee: Xan o ref o saasadax boo faw.»

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

YEGIL MBAAX NE YEESU ne Lik a bindtuuna 23:44

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Mark 15:33

Na waxtu njeeƈ ndeer xoox, a jeg’a o niɓaan took lanq ke fop, boo na waxtu a kirandax.

Mace 27:45

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Yowel 1:10

Xa qol axe kaa mbiitnel, lanq ke a naqadiloox, yaam bele jegatee, o ngoon onqe na xa tim biiñ axe ga’ataand, diwliin ne’aand.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Yeremi 30:24

Fuux le no Yaal oxe ɓooskee boo yaa ta fi’kaa, a fadin yuuƥ ke no xeeñ um. Xan a jeg camaane kaa nu andkan.

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Yeremi 14:2

«Xeet fee Yudaa kaa naqadiloox, teeru ke ten ee yereng, we ngenna teen a ngooy, a moof a lanq. O wuuq ƭomatax a yoɗoora Yeerusaleem.

Yeremi 12:11

A ruudne, a ref na naqad, a ruud mbaambir es. Saax le fop a raada, too haalee o leng.

Yeremi 7:16

«Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

Esayi 34:4

Katil ke ndefna na asamaan xan a ngef, asamaan fee a fokatoor nen a kayit a tore, soo juq le na xa qoor axe ten a yurdooxiid ne a naf ndaxar biiñ a yurdooraa, ne a naf ndun a ƥoorooraa.

Esayi 24:4

Lanq ke owe no ñaawax, a mbag tak. Adna fee oxe ŋeesooxaa, a neewaa doole, soo asamaan fee a ŋeesooxandooraa fo lanq ke.

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»

Yeremi 51:12

Yoɗyo o anddiloor o songir saŋe ke Babilon! Saƭkandyo a yetax ale, ndalin yeeyetax we, ƥengin goor, yaam o Yaal oxe a fi’a yuuƥ too xan a fadin ke ta layna took no we ngenna Babilon.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Sakari 8:14

Ye daan nuun a mbuuxnooraxama, yuuɓ’aam o fi a nuun paaxeer, too ricooxinum. Mi o Yaal oxe Hupna fop layun.