Yeremi 4:27 - NQAARIIT NE ROOG

²⁷ Keeke o Yaal oxe a layu: «Saax le fop xan a raad, ndaa koy gefkinum tuƈ.

Yeremi 4:27 Referans Kwoze

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Yeremi 5:18

Kaa koy, na pe akaaga sax, saŋikkiim a nuun fop. Mi o Yaal oxe layun.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Heseki’el 11:13

Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

A paɗax ale 26:44

Yaag oo toox de, deɓkiim a den, yaa da laqooxkaa no saax le no fañ den. Feskiim a den a cinj, mbaskiraam, warkiim a den too ɗegkiim ngiɓoor es fa den, yaam mi refu o Yaal oxe Roog den.

Heseki’el 33:28

Xam fi saax le a refat juum kefatin fo o mbiñ o mbootu, doole fa nga’atinoor um xan a fag tak, xa coong axe Isra’el a mbootat, too o leng reefkatee teen.

Heseki’el 6:14

Xam doon o ɓay es took den, fi saax le a moƴ o woot, soo a moƴ o raad, a xotit na koƥ-a-ƥor ale boo Ribla, me da ngenna teen fop. Maaga, xan da and ee mi refu o Yaal oxe.»

Yeremi 18:16

Neene, a ƥeka saax le den no tas fo no calat boo kili. Fop we na ƥeeraa teen a njaaxɗa, a mbulaa a qoox.

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Esayi 24:1

O Yaal oxe xan a fi lanq ke a mbes a pec, a ruudin a den, a noot adna fee soo a picit we ngenna teen.

2 Caloori ke 36:21

Neene, ke o Yaal oxe a lay’ina, a reefandin no tuleer Yeremi a fadnooxa: «Xan saax leeke a xaƴel boo xa kiid qarɓeen ɓetuu ƭik ndax ta rafoox camaane ke na ñootnax ale ndeef’andeena ne waritna.»

Nehemi 9:31

Kaa koy, kam yirmande fa maak fee wo, moocandiro a den too waasiro a den, yaam Roog fa yaaju kam refo too may yirmande.

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 25:11

Saax lene fop xan a fes a pec, a tas, too qeet kene xan a ndagoox o maad oxe Babilon boo xa kiid qarɓeen ɓetuu ƭik.

Yeremi 44:6

Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.

Heseki’el 20:17

Kaa koy, ye ga’uuma a den, yirmaam a den lool no saŋik a den, too moocandiim a den kam a koƥ-a-ƥor ale.»

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

Esayi 17:6

Kisaatooxel soom na yoqkataa teen nen ndaxar oliiw ƥoore. Xa oliiw xa ƭaq mbaat xa tadaq rek na yoqataa na cul ale no ndaxar oliiw neene, soo xa nahaq mbaat xa ƥetaq a yoq na naaq ake. Keene o Yaal oxe Roog fee Isra’el a layu.

A ƭomatax ake 2:7

O Yaal oxe a sibda o sadaxand ole ten, a pilid Mbind tedu ne ten. A ɓoxota na xa ƥay no pañ oxe saŋe ke fo pind mosu ke Siyoŋ. Combol a jibta kam Mbind ne no Yaal oxe nen na bes ndoofeen.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.