Yeremi 4:22 - NQAARIIT NE ROOG

²² O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 4:22 Referans Kwoze

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

O leetar ole Pool a bindna GIMU WE NGENNA ROM 16:19

Kaa koy, fop a anda ne nu nananitna Yegil mbaax ne. Kaam felakinoortaa a nuun, ndaa itam bugaam nu njeg o and olaa nu mbi’taa paax, njeg itam o qoolel, mbootoox paaxeer.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

O leetar ole Pool a bindna GIMU WE NGENNA ROM 3:11

O leng jegee yiif, jegee oxaa na waaƭaa a Roog.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

O leetar ole Pool a bindna GIMU WE NGENNA ROM 1:22

Kaa mbi’ooxaa yaal o and, too a ndef ɗof say.

Hoose 5:4

A pi den kaa yaqanaa a den o nomtooxiid me Roog den, yaam njaga kaa adin a den, too andee o Yaal oxe.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

A cangatin ale 32:28

Isra’el kaa ref xeet faa o and xoox um a mo’andaa, too o jeg-yiif o leng refee no ten.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

Yeremi 13:23

Ndax o ngiin-o-ƥaal a waaga o supit ƭool um mbaat o ƴaxal a supit a taad um? Nuun itam, ndax nu mbaaga o mbi paax, nuun we merna o mbi’aa paaxeer?

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Yeremi 5:4

Maaga, layaam ee: «Wiin heesu soom a ndefu, a mbi’aa ƥooɓodaxir, yaam andee a ƭat ale no Yaal oxe, ke Roog den a simitna.

YEGIL MBAAX NE YEESU ne Lik a bindtuuna 16:8

O yaal mbind ne a kaña o paɗ o kore’aƭaru xe yaam ne ta fi’’ina nen o kiin o ƈiƴu.» Yeesu a doona teen ee: «Wiin we na jamaane fene moƴu o ƈiƴ mbaambir no gend den ee wiin we na qoolaand ale.

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

A cangatin ale 32:6

Xeet fa ƥodaxu too a ñak o and, ndax keene nu ndabidkaa o Yaal oxe? Ndax kaa refee faap nuun fo o saasak nuun? Ndax kaa fi’ee a nuun, a mool a nuun?

2 Sami’el 13:3

Amnon a jeg’a a xaariit fa ne’e Yoonadab, a ref o ƥiy Simeya fee o maag Dawid. Yoonadab koy, kaa reeƭu o koor o ƈiƴu.

A kim a tedu ke 36:3

Bakaad fee kaa muur a kid um, yaam ndik ta anddiloox tooñ um soo a sibin.

A kim a tedu ke 53:4

Fop kaa ngoƭ a Roog soo a mbokatoor, a laawoox. Jegee oxaa na fi’aa paax, jegee o leng sax.

A kim a tedu ke 82:5

Kaa koy, nu andee tus, nu njegee yiif, kasaƥ-kasaƥnaa kam o niɓaan ole, boo a tax adna fee a nootoox.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Yeremi 4:21

Ndi boo a mban um bugko ga’aa a laay xire le soo nanaa fangax le na luuƥ ale?

Yeremi 9:3

Fat oxuu refna na nuun a wootoox a xaariit um, too ba nu ngooloox o pog nuun o leng, yaam o pog oxuu refna kaa ƴiƴtaa, soo xaariit fuu refna a yaqaa ƭool.

Heseki’el 16:30

Mi o Yaal oxe na refkaa boo faw kaam ee: Cey, ndaw ne heestoona! Fi’aa tig oo tig keene fop ndefna calel a caga laa moƴna o hupal.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

Mberaand 39:16

Naaga, a doona ndoki ne Yoseef paam um boo neen o kor um a gatu no mbind naa.

A kim a tedu ke 36:4

Ke ta layaa fop xa maaƥ fo naanaxir oo, cagu fo o fi paax, ta waas a den pelek.

Xa peƭit axe 28:5

Wiin faaxeer we andee ke jofna, we na mbaaƭaa o Yaal oxe mat a anda fop.

Yeremi 9:2

O Yaal oxe kaa tee: «Ɗelem den kaa nand nen a qali ŋaayne, ndax da maaɓ doŋ. Ndigil taxee da maadooxaa no saax le, yaam kaa mbi’aa paaxeer took paaxeer too nqalamiraam o and.

Yeremi 9:5

Kaa o gen a ndeer naanaxir ƥor, naanaxir doŋ taxu da mbañaam o and.» O Yaal oxe layun.

Mise 7:3

Xa ƥay den kaa mbaane no fi paaxeer, o kelwaar oxe a sertaa nger, o kaahate xe a laacaa ndabid, soo wiin maak we a laltaa o wat den, den fop da yekoorin.