Yeremi 4:18 - NQAARIIT NE ROOG

¹⁸ A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Yeremi 4:18 Referans Kwoze

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

A kim a tedu ke 107:17

Kaa ƥodax’u, a pesoorooƭ den a yednu a laltin, a ñaat yaam ndoq ne no tooñ ke den.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Xa peƭit axe 1:31

Xan nu mbuq o gaf ole na pesoorooƭ nuun, naang tem fa luq-luq nuun.

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

Yeremi 5:19

Yaa o laamitkeel ee: ‹Ndi xar taxu o Yaal oxe Roog in a doon a in kene fop?› wo Yeremi, fat o doon a den ee: ‹Ne nu mbaastaxama soo mbaɗooxaa roog can kam saax nuun, neene nu ndagooritkaa genar no saax laa refeerna le nuun.› »

Xa peƭit axe 5:22

Njofaƭar ne no soxodu xe kaa damnooran, a cengir ake no pakaad ke ten a naangin nuus.

Yeremi 5:25

Tooñ ke nuun o mat nootu keene fop, pakaad ke nuun a nqañ a nuun paax keene.

Heseki’el 39:24

Rabdaam a den nqoolaƭar den fo pakaad den. Neene, ɗasnaam a den mukit es.

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

A ƭomatax ake 3:15

A ñaamnooraxam qaaɗu xut, a yernooraam daŋat.