Yeremi 4:17 - NQAARIIT NE ROOG

¹⁷ Kaa mbid a Yeerusaleem o kurul-keƥ nen yeeyetax waa ndeerna o qol, yaam kaa ta siiknoor fa mi. Mi o Yaal oxe layun.

Yeremi 4:17 Referans Kwoze

Yeremi 5:23

Kaa koy, xeet fene kaa naɗoox too a ƥoow. Kaa mbesaam a cinj soo a nduux a koƥ.

A ƭomatax ake 1:18

«O Yaal oxe ɓuru a xawaam, yaam kaam nanaƭaran’u kebil um. Nuun qeet ke fop, nan-gilooxyo too nga ɗom es. Mboƥ ndoog ne mi fo mbes ke mi a ƥise no mbaƭ.

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Esayi 30:9

No ndigil, xeet fa nanaƭaranu yoo, a ndef xa ƥiy xa maamaaɓ, xa ƥiy axaa mbugeerna o nan-giloox a cangin ale no Yaal oxe.

Esayi 1:8

Siyoŋ o ndoog onqe kaa yoq koƭong nen o ɗaakaand kam a ƭing taxar biiñ, nen o gat kam o qol xa peeƭ, nen a teeru faa wideena o kurul-keƥ.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

A cangatin ale 9:24

Naa andum a nuun, nu nananee o ñuxur no Yaal oxe.

Yeremi 52:4

Maaga, no hiid o ɓetuu nahkandeer ole no maat Sedekiya, no ñaal xarɓaxayandeer ne no nqool xarɓaxayandeer onqe, Nebukadnesaar fee o maad oxe Babilon a garana a Yeerusaleem, ten fo xiixire um fop. A sipa saŋe den mbaambir teeru fee soo a mbi a uum lanq a songir me widuuna fop.