Yeremi 4:16 - NQAARIIT NE ROOG

¹⁶ Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.

Yeremi 4:16 Referans Kwoze

Heseki’el 21:22

Mi o mat, xam foxaa, too xan fuux es a jeg ne ta bugna. Mi o Yaal oxe layun.»

Yeremi 5:15

Nuun xeet fee Isra’el, xam ɓisiid took nuun xeet faa inoortiidna koƭu. Xeet faa waagaandeena tig oo, a reeƭu yaa fa yaaga, too nu nanee lak den, nu andee ke da layaa. Mi o Yaal oxe layun.

Esayi 39:3

Cinj kaaga, o tuleer Esayi a soƥiida o maad Hiskiya, a laamtin ee: «Xar refu o jaf no goor weene, too sax mam a inooru?» Hiskiya a doonaan ee: «Taa Babilon a inooru, a ƭeetiidaam.»

Yeremi 50:2

«Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.

Yeremi 39:1

No hiid o ɓetuu nahkandeer ole no maat Sedekiya fee o maad Yudaa, no nqool xarɓaxayandeer onqe, Nebukadnesaar fee o maad oxe Babilon a gara fo xiixire um fop mbaambir Yeerusaleem, a mbidin o kurul-keƥ.

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Yeremi 16:6

Kam saax lene, yaal kalal oo rool oo xan a nqon. Ngaskaand, mboykaand, too o leng ñaasooxkee mbaat ta xanqoox, ndax ta lalit naqad um yaam den.

Yeremi 6:18

Ten taxu, nuun qeet ke, nan-gilooxyo, andyo a paax ke na dalkaa a den!

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 4:17

Kaa mbid a Yeerusaleem o kurul-keƥ nen yeeyetax waa ndeerna o qol, yaam kaa ta siiknoor fa mi. Mi o Yaal oxe layun.

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Esayi 34:1

Nuun a saax ake, matiidyo nan-giloox! Nuun qeet ke, naangyo tek! Fat lanq ke fop a nan-giloox, ten fo ke refna teen fop, adna fa muum fo ke saxna teen fop!

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

Yeremi 6:23

Kaa pokoox a qali fo a salma. Kaa ƈaxooxaa soo a ñak yirmande. Fangax le den kaa dititaa nen le no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Siyoŋ fa mosaan fee.»