Yeremi 4:15 - NQAARIIT NE ROOG

¹⁵ O nan a inoortiida Dan, a yegnitaa taamaala no kaa xotitna no joong olaa Efrayim.

Yeremi 4:15 Referans Kwoze

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Haahate we 20:1

Ii-isra’el we fop a mbokatoora, a ndef leng, mbaambir no Yaal oxe kam Mispa. A inoora muu refna, xotitna Dan, no ɓemb-roog o janoon, boo Beer-Seeba, no ɓemb-roog o ñamaak, fo saax laa Galaad, no batand.

Haahate we 18:29

A ne’ta teeru fee a Dan reeƭna o taan den too a ref o ƥiy Yakoob, ndaa teeru fee Layiis a ne’’e yaaga.

Yosuwe 20:7

Nen teeru caɓnooxand Ii-isra’el we a kesa a Qedes kam Galile no jegel olaa na xa coong axaa Neftali fa Sikeem kam o jegel olaa na xa coong axaa Efrayim fa Kiryat-Arba na xoyeel a xoy Hebron kam o jegel olaa na xa coong axaa Yudaa.

Yosuwe 17:15

Yosuwe a doona a den ee: «A soƥangaa yee kaa nu may boo o jegel ole na xa coong axe Efrayim deyee a nuun, ndetyo ngodan a qoox nuun no suungaan laa no Peeperisi waa fo no laa no Reerefa waa.»

Esayi 52:7

Ndaw o jaf o mosu took xa coong axe, no xaa na yegnitaa yegil mbaax! Kaa yegnitaa jam fa baneex fo a muc, soo a layang, wo Siyoŋ ee: «Roog of refu o maad of.»

Yeremi 10:22

Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.