Yeremi 4:13 - NQAARIIT NE ROOG

¹³ O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

Yeremi 4:13 Referans Kwoze

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

Esayi 66:15

O Yaal oxe xey garaa kam fiɗel, a sareet-xire ke ten a nandtaa a und a cegu doole. Fuux ɗomu le ten xan a biltoox nen ƈulfaan fiɗel, soo ta fadin a qaw ale ten kam aal fiɗel.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.

A ƭomatax ake 4:19

Ñaañagadil in moƴ’u o ñof a canjiik ake na asamaan. A ndaaba a in took xa coong axe, a ƭaapan a in pog kam a koƥ-a-ƥor ale.

Esayi 5:28

A kas ake den kaa lakel, a qali ke den a ŋaaynel. Xa poxos axe no pis ke den kaa naang koŋ nen ɓil saƭku, soo a caf ake na sareet ake den a mbangoortaa nen a und.

Nahum 1:3

O Yaal oxe kaa muñantaa, doole um a magin, ndaa ñakkee o xaw oxe tooñna. O Yaal oxe kaa ñaaƴaa kam a saaqul ale, a ƭat um a ref kam a und ale, a eel ake a ndef fo ut ole a caf um a yetnaa.

Esayi 13:5

Kaa inoortiid koƭu, no cat asamaan, ndax da yaq lanq ke fop. O Yaal oxe yoo fo we ta jiriiñooraa, ndax ta feeñil fuux um.

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

Mace 24:30

Maaga koy, xan o anddiloor ole no Ƥeenqe no kiin oxe a feeñit na asamaan. Xan o qeet oluu refna no lanq ke a faɗoox, too xan a nga o Ƥeenqe no kiin oxe a garaa took a eel ake na asamaan, a yoon fa katil fo o ndam o maak.

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Dañel 7:4

Fa eetaand fee kaa nandtoogu njogoy, ndaa a nafir a canjiik a saq’u. Kaam ɗeetoogun, boo neen a nafir ake ten a mbofe, ta yoɗtel a lanq, a geennitel a caf a ciijing ake ten nen o kiin soo a cooxel sagu no kiin.

Yeremi 10:19

Yeerusaleem a falalooxa yee: «Sabab took es, yaam yaqooxaam pic! Uut le mi waagee o wod, mi fee layoogna yee: Keene soom a reeƭangaa coono es, hatilkoogaanum.

2 Sami’el 1:23

Sawul fa Yoonatan kaa mbug’el too a mbex’el. Mbaag’aand o sambrand no ñoow den fo na fa nqon den. Den moƴ’u o ñof a canjiik, a moƴ o njambaar njogoy.

Esayi 3:8

Yeerusaleem oxe gefaa tuƈ, soo Yudaa a naag junjang a lanq, yaam xa ƭelem den fo a pi den kaa njuumoor fo o Yaal oxe, da mbañ o magnel ole no ndam onqe ten.

Yeremi 4:12

Nqeñ njegu doole yoo, naa inoorna maana boo me mi. Ndiiki koy, xam hate a den.»

Yeremi 9:19

Nuun rew we, nan-gilooxyo boog fa lay fee no Yaal oxe, mbet nof nuun no ke ta layaa! Aqatinyo xa ƥiy xa tew axe nuun a ƭomatax, oxuu refna a jangin o tew o kend um ƭomatax nene:

Yeremi 49:22

O pañ oxe xey a ŋaayaa, a yetaa nen a canjiik, a letin a nafir um took Bosra. A koom, xeeñ le na salma-koor ake Edoom xan a nand fo le no tew oxaa na gaajooxaa.

Heseki’el 26:10

Fo ut ole no pis mayaan ke ten xan a muurong. Saŋe ke wo xan a send no fangax le no ŋaaŋaay pis we fo no le na saang ake fo no le na sareet-xire ke, yaa ta rokkaa no tokand ke wo, ne teeru faa jaɓeena a rokteel.

Heseki’el 38:9

Xan o fadtiid nen a und, ref nen eel laa na muurkaa saax le, wo fo a yaj no xiixire of fo qeet pagkatar ke yoonna fa wo.

Dañel 11:40

Farna fo muukandoong naa, xan o maad oxe no ɓemb-roog o ñamaak a gomir fo o maad oxe no ɓemb-roog o janoon, ndaa oxeene xan a yen took um fo a sareet fo pis fo a kaal a mayu. Xan a jaɓ a saax a mayu, a maƥ fop nen o jaɓ.

Mise 2:4

A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

Yeremi 6:23

Kaa pokoox a qali fo a salma. Kaa ƈaxooxaa soo a ñak yirmande. Fangax le den kaa dititaa nen le no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Siyoŋ fa mosaan fee.»

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.

Yeremi 48:40

Keeke o Yaal oxe a layu: «O pañ oxe xey a yetaa nen a canjiik, a letin a nafir um took Mowaab.

Sakari 6:1

Yoɗahinaam a kid es too ga’aam kam mbeeñil a sareet a nahak akaa sutooroogna a ndeer xa coong xa ƭaq, soo xa coong axe a ndef xa coong xanjar.