Yeremi 4:1 - NQAARIIT NE ROOG

¹ O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 4:1 Referans Kwoze

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Heseki’el 43:9

Ndiiki koy xan a ndiƈat paam es njaga ne den fo xa tal axe no maad we den, too xam gen a ndeer den boo faw.

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Mberaand 35:2

Yakoob a laya ƥasil um fo waa ndeeƭna fo ten fop ee: «Mbatinyo roog can ke a ndeer nuun, nqoolandoox soo supit tikoorik.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Hoose 2:2

Yudaa fa Isra’el xan a mbokatoor, a mbog o aa-adax o leng kut soo a ngame saax le, yaam ñaal ne Yisre’el xan a magin lool.

2 Caloori ke 33:8

Boo xeet fee Isra’el a ngayna kebil es fo bargal es fo ke dalnuuma fop, too o tag es Moyiis a daawnin a den, joqooynoorkiim a den maa goƭna saax le ci’uuma daan den.»

2 Caloori ke 15:8

Ye Aasa a nanna fa lay faaga fo njo’it ne no tuleer oxe, a saƭakinooxa, a yaq cakalaaru ke kam Yudaa fa Bensame fo no teeru ke na xa coong axaa Efrayim ta jaɓ’ina. Cinj kaaga, a jagandatina o sadaxand ole no Yaal oxe reeƭna mbaambir o ndambalaan onqaa no Mbind Roog ne.

2 Maad we 23:24

Yosiya a moocanda we ƈufginooxoogna xon we fo maɗag we ndeeƭna kam Yeerusaleem fo kam saax le Yudaa, a yaq nitaal roog ke fo pangool cakalaaru ke fo roog cednooxu ke fop nga’oogeena maaga. Neene, a fadna fa lay fee no kebil ke mbind’eena no safe le Hilkiya fee o saasadax a soƥ’ina kam Mbind ne no Yaal oxe.

2 Maad we 23:13

O maad oxe a maasanda a ñaang a sadaxand ake njasnoor’ina fa Yeerusaleem, a ngarit o joong ole na Yaq fee no ɓemb-roog o ñamaak, too Salomo fee reeƭna o maad Isra’el a maxan’un a Astarte, roog fa njakalaaru fee no Siisidoŋ we fa Kemos, roog fa njakalaaru fee no Moomowaab we fa Milkom, roog fa sednooxu fee no Aa-amon we.

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Heseki’el 18:13

a rawnitaa took o yaakaar teen tig, a hupal no rimand o lad um, ndax xan a ñoow? Ha’aa, ñoowkee! A fi’a cednooxu keene fop, too a woora yee xan a xon, a gadoox fo’oy um.

Heseki’el 11:18

Xan a ndok teen soo a mbatin cakalaaru ke fop fo cednooxu ke fop.

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 15:4

Neene, maat ke na adna fee fop xan a ndiid, yaa da nga’na ke fi’uuma a den. Keene refu a qaw ale no fop ke Manaase fee o ƥiy Hiskiya, o maad Yudaa, a fi’na kam Yeerusaleem.»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Yeremi 3:14

O Yaal oxe kaa tee: «Nomtooxiidyo me mi, nuun xa ƥiy xa kore’aƭaru xe, yaam mi refu o Yaal nuun! Xam xot o leng na nuun mene, na teeru nangam, ɗik lakas maana, no ƥasil nangam, soo nomtiid a nuun Siyoŋ.

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

A cangatin ale 27:15

‹Oxuu sexnanna a xoox um nitaal roog mbaat ta jawnin, ndax ta faɗooxan na pet a halakooxa. Keene xa ƥay no kiin o baane’u a njalna kaa sednoox no Yaal oxe.› Maaga, fat xeet fee fop a ndoon ee: ‹Amiini!›

A cangatin ale 4:30

Yaa keene fop a dalkaa a nuun, soo nu ndef na naqad, maaga no paktaand kaa xan nu nomtooxiid no Yaal oxe Roog nuun, nan-giloox o ñuxur um.

Yeremi 7:3

Keeke o Yaal oxe Roog fee Isra’el Hupna fop a layu: Ñaaƴityo too mbi ne warna, yaaga xam xaƴ a nuun nu ngen no saax lene.

Yeremi 7:5

Nu ñaaƴtangaa tigi too mbi ne warna, ngate’it o cofel ndeer o kiin fo o kend um,

Yeremi 7:7

yaaga, xam xaƴ a nuun nu ngen mene, kam saax le ci’uuma daan nuun yaaga boo fa ndiik fo boo kili.

Yeremi 15:19

Maaga o Yaal oxe a doonaxam ee: «O nomtooxiidangaa me mi, xam xotatinong no calel es. O jektirandangaa ke jegna o njiriiñ fo xa ƥaral, yaaga xan o ref o coojo’it es. Wiin we Yudaa xan a nomtooxiid me wo, ndaa refee yee wo na nomtooxkaa me den.

Yeremi 18:11

Ndiiki koy, layi wiin we Yudaa fo we ngenna Yeerusaleem ee: Keeke o Yaal oxe a layu: Mexe fexeyanaa a nuun taamaala, yuuɓanaa a nuun yuuƥ paaxeer. Fat oxuu refna na nuun a fes a ƭat a paaxeer um a cinj. Njagandatinyo a ƭat nuun fo a pi nuun.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

2 Caloori ke 34:33

Yosiya a watna a pi a cakalaaru ke njegoogna kam Isra’el soo a ser xeet faa fop da mbaɗooxaa o Yaal oxe Roog den. No ñoow o ñis Yosiya fop, a mbaɗooxooga o Yaal oxe Roog fee no daan den.