Yeremi 39:8 - NQAARIIT NE ROOG

⁸ Kaakalde we a ndaaɓa mbind no maad ne fo pind mosu ke na xeet fee soo a maaf saŋe ke Yeerusaleem.

Yeremi 39:8 Referans Kwoze

Nehemi 1:3

A ndoonaxam ee: «We nomtoortiid’ina no mbaƭ naa owaay maaga, no jegel olaa Yudaa, a ndef no ñaat o ɗomu fo na gaci fa maak. Saŋe ne Yeerusaleem kaa jeg xa kur soo begax ke ten a ndoxel riw.»

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Yeremi 21:10

Yaam xam geleerooxan teeru feene, refee koy ndax um muclin ndaa ndax um moocandin. Xan a ɓoxotel na xa ƥay no maad oxe Babilon na raaɓitkan fiɗel. Mi o Yaal oxe layun.»

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Amos 2:5

Xam fudin fiɗel took Yudaa, ta raaɓ pind no maad ke Yeerusaleem.»

A ƭomatax ake 2:7

O Yaal oxe a sibda o sadaxand ole ten, a pilid Mbind tedu ne ten. A ɓoxota na xa ƥay no pañ oxe saŋe ke fo pind mosu ke Siyoŋ. Combol a jibta kam Mbind ne no Yaal oxe nen na bes ndoofeen.

A ƭomatax ake 2:2

O Yaal oxe a yaqa kenand ke Yakoob fop too yirmiran. Kam fuux ɗomu le ten a jiƭta saŋe ke no saax le Yudaa, o ndoog onqe, a bereng a den a lanq, a maasand maat ne fo kelfa ke ten.

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.

Yeremi 37:10

Nu nqawangaa sax xiixire we no Kaakalde we fop na nqire’aa fa nuun bo ta yoq na den goor waa ndibeena soom, xan a inooxatin, oxuu refna no ƭiif um, soo a ndaaɓ teeru fene.»

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 34:2

«Mi o Yaal oxe Roog fee Isra’el mexe heblang o ret lay a Sedekiya fee o maad Yudaa yee: Keeke o Yaal oxe a layu: Ga’angi, xam ɓoxot teeru fene na xa ƥay no maad oxe Babilon, too xan a doxin riw.

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Esayi 5:9

Nanoodaam a qool qac xa ƭelem axeeke no Yaal oxe Hupna fop: «Mexe daaɓooxaa yee pind mayaan keene xan a yoq o ƥor. Kaam ee pind maak mosu keene xan a mbes a pec.

2 Caloori ke 36:19

A ndaaɓa Mbind Roog ne, a njiƭit saŋe ne Yeerusaleem, a ndaaɓ pind mosu ke soo a yaq tig cegu njiriiñ ke fop.

2 Maad we 25:8

No hiid xarɓaxay fo hiid o ɓetuu nahkandeer ole no maat Nebukadnesaar fee o maad oxe Babilon, no ñaal ɓetuu ƭikandeer ne no nqool o ƥetkandeer onqe, Nebusaradan fee adooxan’ina yeeyetax we no maad oxe Babilon a gara Yeerusaleem.

A kim a tedu ke 79:7

yaam a lista a Yakoob, a mbayit ngenand den.

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Heseki’el 16:41

Xan a ndox pind ke wo, a layoor fa wo na kid no rew mayu. Xam ñuf njaga ne wo, too me ta refna cooxitkatiro ndabid.

Heseki’el 23:47

Fat faan leene a ndoom a den a ƥil, a maafit a den laƥ. Fat xa ƥiy xa koor axe den fo xa tew axe den a mbarel, pind den a ndaaɓel.

Heseki’el 33:21

No hiid xarɓaxay fo o hiid o ɗikandeer ole no mbaƭ ne in, no ñaal ƥetkandeer ne no nqool xarɓaxayandeer onqe, oxaa mucitna Yeerusaleem, a gara me mi, ndax ta yegnaam ee teeru faa a jaɓe.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.