Yeremi 39:5 - NQAARIIT NE ROOG

⁵ Kaa koy, xiixire we no Kaakalde we a ndaaba a den, a ndamit a Sedekiya na xa saawit axaa Yeriko. A ndama a Sedekiya, a ƥisin maa Nebukadnesaar fee o maad oxe Babilon reeƭna Ribla no saax laa Hamat. Maaga o mat Nebukadnesaar a hate’it’u a Sedekiya.

Yeremi 39:5 Referans Kwoze

2 Maad we 23:33

Maat um a faga, ye Neko fee refna Firawon fee a jenguuna kam Ribla no saax laa Hamat. Neko a sepa saax le Yudaa a bateer ngap parig qarɓeen tadik fo parig nahik xaaliis fa nqoolu fo ngap kilo qarɓeen tadik fo kilo nahik wurus.

Yosuwe 5:10

Ye Ii-isra’el we a ndalna Gilgal, kam xa saawit axaa Yeriko, a ndoofandta maaga Xew fee na colandax ale no kirand ne no ñaal xarɓaxay fo ñaal nahkandeer ne no nqool onqaaga.

Yeremi 38:23

Rew we wo fop fo xa ƥeef xan a ƥisel maa no Kaakalde waa, too wo itam ɓostooxkiro na xa ƥay den. Xan o ɓay no maad oxe Babilon a naagong nuus, too teeru fene xan a raaɓel.»

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Yosuwe 4:13

Mbaambir no Yaal oxe, ngap goor cuni qarɓeen nahik waa mbapooxanna a ñoq a njagna na xa saawit axaa Yeriko.

A ƭomatax ake 4:20

Oxe i ngaɗ’ina o ñoow in no ten, o maad oxe o Yaal oxe a ɗuumna, a naage nuus kam gamb le den, ten oxe i layoogna yee: «Xan i ñoow no yook um a ndeer qeet lakas ke.»

A ƭomatax ake 1:3

Xeet fee Yudaa a ɓise gilaa saax took o hup doole, a toroxandel soo a ref no mbaƭ ƭomu. Kaa genat a ndeer qeet ke, too jegee me den a ñootnax a leng. Ñaañagadil we ten fop a mbetaan, too jegee maa ta daɗitna.

Yeremi 4:12

Nqeñ njegu doole yoo, naa inoorna maana boo me mi. Ndiiki koy, xam hate a den.»

2 Caloori ke 33:11

Maaga, o Yaal oxe a inaniida a den aa-adax we no xiixire we no maad oxe Asuur. A ngara a ndam a Manaase, a njengin, a mbeñtin ceen xanjar soo a ƥisin Babilon.

2 Maad we 25:6

Baababilon we a ndama o maad Sedekiya, a ƥisin maa no maad oxe Babilon reeƭna Ribla, soo oxeene a hate’in.

2 Maad we 17:24

O maad oxe Asuur kaa ɓistiid’u wiin Babilon fa Kuta fa Awi fa Hamat fa Sefarwayim, ndax ta dalin a den no teeru ke Samari na seek no Ii-isra’el we. Wiin weene a njanga a Samari, a ngen no teeru ke ten.

2 Sami’el 8:9

To’u fee o maad Hamat a yega yee Dawid kaa xaw’u xiixire we Hadadeseer fop.

Haahate we 3:3

xa cegel axe no gelwaar ɓetuk we no Fiifilista we, Kaakanaan we fop, Siisidoŋ we fo Hiihiwi we ngenoogna no joong olaa Libaŋ, a xotit no joong olaa Baal-Hermon boo no ndokand naa Hamat.

Yosuwe 13:5

fo saax le no Geegebal we fo le Libaŋ fop farna fo batand, ke xottoonga Baal-Gad na caf alaa no joong olaa Hermon boo farna fa Hamat.

A lim ale 13:21

Maaga, a ngorooka saax laa, a nqotit na koƥ-a-ƥor alaa Sin, a njof Rehob boo farna fa Hamat.

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Yeremi 24:8

Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

Yeremi 44:30

Keeke fosooxum, mi o Yaal oxe: Xam ɓoxot a Hofra fee refna Firawon fee, o maad Misira, na xa ƥay no fañ um, na xa ƥay no we mbugna njang o ñis um, ne ɓoxottuuma a Sedekiya fee o maad Yudaa na xa ƥay Nebukadnesaar fee o maad oxe Babilon, o pañ um oxe bug’ina jang o ñis um.»

Yeremi 49:23

Ke yegniteena na Damaas: «Hamat fa Arpad a seda ɓot, yaam a yega o nan o faaxeer. Kaa sendaa yaam a njaq, nen o maag o jumbu laa waageerna o riim.

Heseki’el 23:24

owe ngarantang no ɓemb-roog o janoon, a saq ƥonax, a sareet-xire fo a saang a sareet fo mbokatoor no qeet. A mbidaang o kurul-keƥ, a ƥonoox pegoor maak fo teɓ fo o maxande. Ɓoxotaam a den hate fee, too xan a ngate’tong kebil den.

Habakuk 1:7

Kaa saɗarnoox too a mbitnoox. Ke jofooxna a den soom a mbi’aa, ndigil a qoox den a dey a den.

Esayi 22:3

Xiixire we wo fop xan a ngodandoor o joor, boo da ngelko fo nqaƴaa a qali ke xan a mbi’el faɗ. We ngenna me wo fop xan a mbi’andoorel faɗ boo no we na ƈufkaa koƭu sax.