Yeremi 39:4 - NQAARIIT NE ROOG

⁴ Yaa Sedekiya fee o maad Yudaa fo xiixire we ten fop a nga’na ke xew’ina, a ƈufa, a sutoox teeru fee no yeng ole, a ndeef na ƭat ale na ƭing ale no maad oxe, no ndokand ne refna a ndeer saŋe ƭik ke soo a nqot a ƭat ale jaginna no xuluɓ olaa Yordaan.

Yeremi 39:4 Referans Kwoze

Amos 2:14

O ƴiƴ sutkee teen o leng, doole ne’aand, njambaar a jalan.

2 Caloori ke 32:5

Hiskiya a saqa njambaar, a maxatin saŋe ne jeg’ina xa kur, soo a yoɗ teen taax-took ke. A maxa itam taax-took ne kam Milo na ƥak ale Dawid tafil saŋe ne soo a jalin a salma fo pegoor mayu.

Heseki’el 12:12

O kelwaar oxe refna a ndeer den xan a gadoox o fof kam o niɓaan ole soo a sutoox. Saŋe ne xan a fi’el o gur ndax ta suttel teen. Xan a sing mukit um ndax a kid um ƭeetkee saax le.

A cangatin ale 28:25

Xan o Yaal oxe a ci fañ nuun o ndam took nuun. A yaj a leng nu mbi’kaa, yaa nu songkaa a den, soo pictoor a yaj ɓetaa ƭaq, ngod o joor. Xan maat ke no lanq ke fop a njaaxiɗ yaa da nga’kaa ke dalna a nuun.

A paɗax ale 26:36

Na nuun we na yoqkaa no saax le no fañ nuun, xam soɗ na nuun o laaw o dalaƭaru. Xan a naf ndaxar alaa nqeñ ne a yo’naa soom a raxaa a nuun. Xan nu ƈufaa nen oxaa o pañ oxaa saqna ƥonax a raxaa, too xan nu yen, nu ndaxangaand sax oo.

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

Esayi 22:11

Nu mbi’a mbalka ndeer saŋe ƭik ke, ndax poofi ke no mbalka ngiid ne a caarooxaa teen, ndaa nu ƭeetee no xe fi’na keene too nu nga’ee oxe jagand’uuna no miñu kaa.

Yeremi 32:4

Sedekiya fee o maad Yudaa ɓostooxkee Kaakalde we, ndaa xan a ɓoxotel a paax a paax na xa ƥay no maad oxe Babilon, a naag fo ten jak soo a lay fo ten.

Heseki’el 12:4

Sutiidi o fof o raayir ole wo njoloor o mbuc na kid den, soo wo fa xoox of o sutoox kirand ne na kid den ne waa na ƥiseel took o hup doole a sutooraa.

Esayi 22:3

Xiixire we wo fop xan a ngodandoor o joor, boo da ngelko fo nqaƴaa a qali ke xan a mbi’el faɗ. We ngenna me wo fop xan a mbi’andoorel faɗ boo no we na ƈufkaa koƭu sax.

Esayi 29:2

boo um ɓiiklong, wo Ari’el. Ƭomatax fo xa iin rek na mbugko nanateel me wo, too xan o refat na mi nen o sadaxand es.

Yeremi 32:5

Cinj kaaga, xan Sedekiya a ɓisel Babilon, maa ta yoqkaa boo yaa um topatooxkan. Mi o Yaal oxe layun. Nu nqire’angaa fo Kaakalde we sax, nu njegkee ne nu mbugna.»