Yeremi 39:18 - NQAARIIT NE ROOG

¹⁸ A woora yee xam muclong, too laƥ ñaamkirang. Xan o mucil o ñis of tan-tan, yaam hoolooxaxamo. Mi o Yaal oxe layun.› »

Yeremi 39:18 Referans Kwoze

Yeremi 38:2

«Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

A kim a tedu ke 34:22

O soxodu xe koy, kañaan um na warkan, soo fañ we no cofu xe a qicaa hate took den.

Yeremi 21:9

Oxuu maadna o genaa kam teeru fene, laƥ mbaat biim mbaat piste na warkan, ndaa oxuu sutooxna soo a ɓoxotoox no Kaakalde we ƥiikilna a nuun, xan a ñoow, a mucil o ñis um tan-tan.

Efees 1:12

Fat i simat boog o magnel ole Roog, in Yaawuur we ndoonna yaakaar in na Kiristaa yaaga garafulee.

A kim a tedu ke 84:12

yaam o Yaal oxe Roog kaa ref njeeƈ fo pegoor, a ci’taa yirmande fo o ndam. Naagee xañtaa paax we ñakna ƥanjel.

A kim a tedu ke 147:11

We saɗaruuna kañ njemun, we njegna a koolax no mbeq um.

1 Caloori ke 5:20

Na xire faaga, a nqeɗooxa o ndimle Roog. A jaɓa a qeƭ den soo a ƴufig a den, yaam ne da ngooloox’uuna. Maaga, a nqawa Aa-agaar we fo yoon den.

A kim a tedu ke 37:3

Hoolooxi o Yaal oxe soo fi’aa paax, ndax o yoq no saax le, ñoowaa teen fo o yaadax.

A kim a tedu ke 33:18

A kid no Yaal oxe kaa ngaan took no we saɗaruuna too a yaakaaraa o mbeq um,

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

O leetar ole Pool a bindna GIMU WE NGENNA ROM 2:12

We mbakaadna fop, too andee kebil ke Roog, xan a saŋkoox, too refkee yaam kebil keene. We andna kebil ke koy, soo a mbakaadaa, xan a ngate’tel kebil ke.

Esayi 26:3

Oxe gid a ƭakeerna kaa o woornan jam fee. Ii, kaa o woornan jam fee, yaam kaa hoolooxong.

A kim a tedu ke 2:12

Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.

Ke bindeena no xe ne’eena YOB 5:20

Xan a muclong na fa nqon yaa fo nqeex, too laƥ ñaamkirang yaa fa xire.

A kim a tedu ke 91:7

A soƥangaa sax ee wiin juni kaa yen a paam of, soo cuni xarɓaxay na ñamaak of, ñiiñax ñaaƴkirang.