Yeremi 39:16 - NQAARIIT NE ROOG

¹⁶ «Reti lay a Ebed-Melek, o Kuukuus oxe yee: Keeke o Yaal oxe Roog fee Isra’el Hupna fop a layu: ‹Xam fadin ke yegnituuma took teeru fene: Refee koy jam ndaa taamaala. Keene xan a fadnoox na kid of a koom.

Yeremi 39:16 Referans Kwoze

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Mace 24:35

Xan asamaan fo lanq a mbaaf, ndaa fa lay es faafkee boo muk.»

Yeremi 36:31

Xam xawong, wo fo xa taan of fo dag of yaam tooñ nuun too xam ɓisiid took nuun, took we ngenna Yeerusaleem fo took wiin we Yudaa taamaala fee regdinooxuuma a nuun fop, too nu nan-gilooxiraam.»

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 26:20

Na jamaane Yeremi, a jeg’a itam o koor o lakas oxaa yegnitoogna padafuleer no gon no Yaal oxe. Uriya fee o ƥiy Semaya a reeƭu, too a gen’u Kiryat-Ye’arim. A layooga took teeru fene fo took saax lene ne Yeremi a laytooguuna deŋ.

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Yeremi 26:15

Kaa rek, fat nu and a paax ee nu mbarangaam, nu ngadooxa fo’oy jaambuur, nuun fa teeru fene fo we ngenna teen. Yaam no ndigil, o Yaal oxe lulaxam me nuun, ndax um yegin a nuun a ƭelem akeene fop.»

Yeremi 5:14

Ten taxu keeke o Yaal oxe Roog fee Hupna fop a layu: «Feek keene nu layaa, fa lay es fee um ɓekaa no don of, wo Yeremi, xan a refat fiɗel, soo xeet fene a ndef xa cuuƭ axaa fiɗel leene a raaɓkaa.

A kim a tedu ke 92:11

Ci’axamo doole naak-a-koƥ, juur took es diwliin fa ƥuuɓu yem.

2 Caloori ke 36:21

Neene, ke o Yaal oxe a lay’ina, a reefandin no tuleer Yeremi a fadnooxa: «Xan saax leeke a xaƴel boo xa kiid qarɓeen ɓetuu ƭik ndax ta rafoox camaane ke na ñootnax ale ndeef’andeena ne waritna.»

Yeremi 44:27

Nga’angyo, xam fexeyan a nuun, ndax um doon a nuun taamaala ee baneex. Yuuyudaa we fop ndefna no saax le Misira, xan laƥ fo biim a saŋik a den boo da mooc.

Amos 9:4

A ngooknooxangaa mbaambir no fañ den, a njaɓ o ndefik faɗ ndax mbarkaand, xam hebil fañ we da lakan a den laƥ ke. Boo a kid es a ndoonooxna took den, paax taxiran, ƭomu soom taxun.»

Yeremi 40:3

Ndiiki koy, o Yaal oxe a hebliida, a fadin ke ta yegnit’ina. Ne nu tooñna o Yaal oxe too nu nan-gilooxee o ñuxur um, taxu keene a dal a nuun.