Yeremi 39:10 - NQAARIIT NE ROOG

¹⁰ Kaa koy, rool we na xeet fee, we njeg’eerna dara, Nebusaradan a xaƴa a den da ngen no saax le Yudaa, a ci a den no ñaal naaga a ƭing taxar biiñ fo xa qol.

Yeremi 39:10 Referans Kwoze

2 Maad we 25:12

Kaa koy, a xaƴ’a leng-leng no we moƴ’ina o ndool no saax le nen ɗiiɗing taxar biiñ fo xooxoox.

Yeremi 52:16

Kaa koy, Nebusaradan fee adooxan’ina yeeytax we a xaƴ’a leng-leng no we moƴ’ina o ndool no saax le nen ɗiiɗing taxar biiñ fo xooxoox.

Yeremi 40:7

A jeg’a aa-adax no xiixire we Yudaa maad’ina o pasarooxaa na koƥ alaa. Den fo goor den a yega yee o maad oxe Babilon a dalin’a a Gedaliya fee o ƥiy Ahikam ta maadooxaa no saax le soo a doxnin goor, rew, xa caaƈ fo rool we no saax le ƥis’aandeena Babilon took o hup doole.

Heseki’el 33:24

«Wo fee o ƥiy no kiin, we ngenna no kefatin kene no fiisel ole Isra’el kaa layaa yee: ‹Abraham o leng a reeƭu, too a jaɓa saax le, too in we mayna gañ cooxe saax le, njegkin.›

Esayi 7:21

Na pe akaaga, oxuu refna xan a jeg fi leng soom fo pambe ƭik mbaat paal ƭik.

Yeremi 40:10

Mi o mat, meeke Mispa um yoqkaa, ndax um refan Kaakalde we na ngarkaa me nuun. Nuun o mat mboqyo xa biiñ axe, xa tim axe fa diwliin, yip a den na xa ƥaxañ axe nuun soo moof no teeru ke nuun nu saqna.»

Yeremi 43:6

A jeg’a na den goor, rew, xa teɓandoong, xa ƥiy xa tew axe no maad oxe fo fop we Nebusaradan fee adooxanna yeeyetax we no maad oxe Babilon a doxin’ina a Gedaliya fee o ƥiy Ahikam, too a ref o ndaan Safan, o tuleer Yeremi itam fa Baruk fee o ƥiy Neriya.

Sakari 11:7

Gaykaam boog paal ke no teefaŋke ke mbaajoogeena o ƥis no warand, pokoox xa loq xa ƭaq axaa ne’uuma, oleeke «Yirmande», olaana «Ngiɓoor», gaytik a den paal ke.