Yeremi 38:4 - NQAARIIT NE ROOG

⁴ Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

Yeremi 38:4 Referans Kwoze

Yeremi 26:11

Maaga, saasadax we fo duleer we a laya kelfa ke fa xeet fee fop ee: «O koor oxene kaa war o maalel fa nqon! Nu nanooda fo nof nuun, ke ta layna took teeru fene.»

A pi ake 16:20

A ƥoxota a den kelfa kaa no aa-adax waa, too a lay a den ee: «Wiin weeke kaa njom’andaa teeru in rek.

Amos 7:10

Maaga, o saasadax oxe ne’eena Amatsiya kam Betel a lultiida me Yerobowam fee o maad Isra’el ee: «Amos oxe fuulandaa ƭool of kam ee kam mbind Isra’el sax, too saax le mbaagatee o muñ ke ta layaa fop,

Yeremi 29:7

Mbaaƭyo jam fee na teeru fee ɓis’uuma a nuun took o hup doole too nqeɗooxanin o Yaal oxe, yaam jam um xan a ref jam nuun.›

Nehemi 6:9

Den fop koy, a njeemooga o ndiidland a in, a layaa yee: «Xan xa ƥay den a ƥoloox, too calel ke mbi’kataand.» «O Yaal oxe, saƭakinaam no far es!»

1 Maad we 21:20

Ye Ahab a ga’na a Eliya, a layaan ee: «Ey! O pañ oxe mi, garahinaa de!» Eliya a doonaan ee: «Ii, garahinaam moos, yaam kaa o jikooxaa a xoox of, ndax o fi paaxeer na kid no Yaal oxe.

A sutax ale 5:4

Maaga, o maad oxe Misira a laya a den ee: «Wo Moyiis fa Aaroon, xar taxu nu yaqanaa xeet fee calel? Nuun itam, aca, ndetyo mbi’ik calel nuun!»

A pi ake 28:22

Kaa koy, i mbugaang o nan-giloox a paax, o lay ke o xalaataa, yaam i anda yee a ƭat aleene fogoona kaa fañel muu refna.»

A pi ake 24:5

I anda yee oxene, o kiin taamaala tigi yoo. Kaa ɓisiidaa yaqoor a ndeer no Yaawuur we kam adna fee fop, too ten refu o aa-adax oxe na qaaj ale no Naanasaret we.

A pi ake 17:6

Kaa koy, ye da nga’eerna a den, a ndeƈ-ndeƈna a Yaason fo leng-leng no fog gimu waa boo mbaambir no aa-adax waa na teeru faa, soo a mbuuqaa yee: «Wiin weeke kaa njaxas adna fee fop, soo ndiiki da ngar meeke itam.

YEGIL MBAAX NE YEESU ne Lik a bindtuuna 23:2

Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Esdaraas 4:12

Daali maad, fat o yeg fo and ee Yaawuur we inoorna me wo, a ngat me in meeke Yeerusaleem, owe maxatinaa teeru fa mbaafañ fa mbaaxaƭaru fee, a yoɗatinaa saŋe ke ten soo a nqendandaa a per ake ten.

2 Caloori ke 24:21

Maaga, a ngiɓanaan o ngir, a mbartin a kac took kebil no maad oxe kam o maax ole no Mbind ne no Yaal oxe.

Yeremi 11:21

Ten taxu keeke o Yaal oxe a layu: «Wiin we Anatot kaa mbug o njang o ñis of too a layaa yee: ‹Ba o jo’tan o Yaal oxe, mbaat xan i mbartong xa ƥay in.›

Yeremi 18:23

Wo o Yaal oxe koy, andaa kukir ke den fop, ndax da mbarnooraam. Ba o waasan a den tooñ den too ba o forit bakaad den mbaambir of. Yaasam da maafel na kid of! Ɓeki a den o ɓay yaa fo fuux of!»

Yeremi 38:16

Maaga, o maad Sedekiya a daaɓooxa na pet fa Yeremi, a lay ee: «Mexe daaɓoortan o Yaal oxe na ñoowaa, ten oxe ci’na a in o ñoow, ee warnoorkiroong too ɓoxotkiroong na xa ƥay no goor wene mbugna njang o ñis of.»

Yeremi 38:25

Yaa kelfa ke a yegkaa yee layaam fa wo, xan a ngar a layang ee: ‹Yegni a in ke layoona o maad oxe fo ke o maad oxe a layoonga. Ba o ɗasin a in dara, too yaaga i mbarnoorkirang.›

Yeremi 43:3

Kaa koy, Baruk fee o ƥiy Neriya o mat riñong na in. Kaa bug o ɓoxot a in na xa ƥay no Kaakalde we, ndax da mbar a in mbaat da ƥis a in Babilon took o hup doole.»