Yeremi 38:2 - NQAARIIT NE ROOG

² «Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

Yeremi 38:2 Referans Kwoze

Yeremi 39:18

A woora yee xam muclong, too laƥ ñaamkirang. Xan o mucil o ñis of tan-tan, yaam hoolooxaxamo. Mi o Yaal oxe layun.› »

Yeremi 45:5

Soo wo o mat, o waaƭanaa a xoox of tig maak! Ba o waaƭ a den! Yaam mi o Yaal oxe, xam ɓisiid taamaala took mbindeef nuu refna. Kaa koy, xam ci’ong a muc o ñis of muu retoona.»

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Yeremi 42:17

Fop we na mbosooxkaa o ndet Misira, ndax da laqook maaga, xan laƥ mbaat biim mbaat piste a saŋik a den. O leng na den muckee mbaat ta ɓostoox na taamaala fee um ɓisiidkaa took den.›

Heseki’el 7:15

«Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

Yeremi 44:13

Ne daltuuma took we Yeerusaleem, um dalitkaa took we laqooxna no saax le Misira: fo laƥ, biim fa piste.

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 27:13

Xar taxu wo fa xeet of nu mbar o nqonit na xire, biim mbaat piste, ne o Yaal oxe a laytuuna na xeet fuu ndagooxkeerna o maad oxe Babilon?

Yeremi 24:8

Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

Yeremi 21:4

Keeke o Yaal oxe Roog fee Isra’el a layu: «Kaa nu ñoxoraa fo o maad oxe Babilon fo a yaj ake ten ƥiikilna a nuun. Kaa koy, xam ser xiixire we na ñoxorteel ƥonax den tafil saŋe ne da nomtoox cook kam ee kam teeru fee.

Yeremi 27:11

Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»

Yeremi 29:16

Keeke o Yaal oxe a layu no maad oxe moofna took uum-maamaad le Dawid fo na xeet fee fop ngenna na teeru fene, fog we nuun ƥis’aandeena fa nuun took o hup doole.