Yeremi 38:16 - NQAARIIT NE ROOG

¹⁶ Maaga, o maad Sedekiya a daaɓooxa na pet fa Yeremi, a lay ee: «Mexe daaɓoortan o Yaal oxe na ñoowaa, ten oxe ci’na a in o ñoow, ee warnoorkiroong too ɓoxotkiroong na xa ƥay no goor wene mbugna njang o ñis of.»

Yeremi 38:16 Referans Kwoze

Yeremi 37:17

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

Sakari 12:1

Ke o Yaal oxe a layna took Isra’el. O Yaal oxe letinna a asamaan, a fiis lanq ke, a ci o kiin oxe o ñoow kaa tee:

Esayi 57:16

Bugiim o jambaa rek fañ o waas, mbaat um gen no fuux cay. Mbaat tooxen fop we sakuuma a ñakkooga o ñis den.

Yeremi 34:20

Ten taxu, xam ɓoxot a den na xa ƥay no fañ den, na xa ƥay no we mbugna njang o ñis den, too xa tal den xan a ndefik ñaamel a tud ake fo ƥaaɓaan ke no lanq ke.

A lim ale 27:16

«O Yaal oxe Roog, wo fee saqna o ñis no pindel ke fop, jili o koor, doonin mbaambir xeet fene,

A lim ale 16:22

Moyiis fa Aaroon a ngunga a lanq, a lay ee: «Wo Roog, wo fee saqna o ñis no pindel ke fop, ndax bakaad no kiin o leng kut xan a tax o fuuxan mbokatax ne fop?»

Hebre 12:9

Mee ndax i njega paap kaa na yaraa a in na adna feeke, too kaa i niwaa a den. Xar na taxkaa boog i nanankee a Faap in fee refna na asamaan, ndax i njeg o ñoow.

Esayi 42:5

Roog o Yaal oxe sakna a asamaan fo o yaajel um, a fiis lanq ke fo ke saxna teen fop, a coox xeet fee ngenna teen haaƭ, a ci yiif fop we na ñaaƴaa teen, kaa tee:

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

A pi ake 17:25

Soxla’ee itam o ndimle nqaa inoorna no kiin no kuu ta waagna waag o ref, yaam ten na cooxaa wiin we fop o ñoow fo haaƭ fo kuu refna.

A pi ake 17:28

Yaam no ten i njegtu o ñoow, yo’nooraa no ten, ndefit no ten itam. ‹In o mat oo, na xeet um i mbogu.› Keene o mat, leng-leng no jeejeek we nuun a layu.