Yeremi 38:10 - NQAARIIT NE ROOG

¹⁰ Maaga, o maad oxe a hebla a Ebed-Melek, o Kuukuus oxe yee: «Xotti mene goor qarɓeen tadik, yoon fa den sutik o tuleer Yeremi no mband mbaqe naa boo ta helko fo xonaa.»

Yeremi 38:10 Referans Kwoze

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

A kim a tedu ke 75:10

Mi o mat, xam gen no felakinooxaa soo xaanaa a Roog fee Yakoob.

Esteer 8:7

O maad Asuwerus a laya a lingeer Esteer fa Mordokay, o Yaawuur oxe yee: «Ci’aam a Esteer o jeg ole Haamaan fee war’eena, yaam ne ta bug’ina o sak Yaawuur we pexey.

Esteer 5:2

Ye o maad oxe a ga’na a lingeer Esteer, ta geenoox no maax ole, a yirmaan soo a jooxin o samb wurus ole ta pokoox’ina. Esteer a matiidaan, a duq cat ne no samb ole.

Yeremi 38:7

Ebed-Melek, o Kuukuus oxe, a ref jawdiin faa fogna no mbind no maad ne, a yega yee Yeremi kaa deɓ’el kam mband mbaqe ne. Ne ta jopir’ina o maad oxe a ref no Ndokand ne Bensame,

Yeremi 38:9

«Daali maad, o yaal es, goor wene a mbi’a cageer no fop ke da mbi’na o tuleer Yeremi. A ƥekaan kam mband mbaqe naa. Xan a xonit teen fo nqeex, yaam mbuuru jegatee na teeru fee.»

Yeremi 38:11

Ebed-Melek a xota goor we, a ret no mbind no maad ne, no mbiñ onqaa refna ɗuga kamba le, a xot maaga xa seegit xa nogoyu fo liir quuyooxu soo a yoorit a den xa ƥaak a Yeremi kam mband mbaqe ne.