Yeremi 37:8 - NQAARIIT NE ROOG

⁸ Kaakalde we xan a nomtooxiid, a song teeru fene, a njaɓin soo a ndaaɓin.

Yeremi 37:8 Referans Kwoze

Yeremi 38:23

Rew we wo fop fo xa ƥeef xan a ƥisel maa no Kaakalde waa, too wo itam ɓostooxkiro na xa ƥay den. Xan o ɓay no maad oxe Babilon a naagong nuus, too teeru fene xan a raaɓel.»

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Yeremi 21:4

Keeke o Yaal oxe Roog fee Isra’el a layu: «Kaa nu ñoxoraa fo o maad oxe Babilon fo a yaj ake ten ƥiikilna a nuun. Kaa koy, xam ser xiixire we na ñoxorteel ƥonax den tafil saŋe ne da nomtoox cook kam ee kam teeru fee.

Yeremi 34:2

«Mi o Yaal oxe Roog fee Isra’el mexe heblang o ret lay a Sedekiya fee o maad Yudaa yee: Keeke o Yaal oxe a layu: Ga’angi, xam ɓoxot teeru fene na xa ƥay no maad oxe Babilon, too xan a doxin riw.

Yeremi 37:10

Nu nqawangaa sax xiixire we no Kaakalde we fop na nqire’aa fa nuun bo ta yoq na den goor waa ndibeena soom, xan a inooxatin, oxuu refna no ƭiif um, soo a ndaaɓ teeru fene.»

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Yeremi 38:3

Keeke o Yaal oxe a layahinu: ‹No ndigil, xan teeru fene a ɓoxotel na xa ƥay no xiixire we no maad oxe Babilon na jaɓkan.› »