Yeremi 37:5 - NQAARIIT NE ROOG

⁵ Xiixire we Firawon fee a sutoox’a Misira. Yaa Kaakalde we mbid’ina a Yeerusaleem o kurul-keƥ a yegna o nan olaaga, a ndiƈatooxa teeru fee.

Yeremi 37:5 Referans Kwoze

Heseki’el 17:15

Kaa koy, a siiknoora fo o maad oxe Babilon, ye ta lulna wiin um Misira, ndax ta cooxin pis fo goor mayu. Ndax oxe fi’na keene xan a jeg ne ta bugna, ndax xan a daɗ? A ɗega ngiɓoor ne. Ndax xan a ɓostoox?

Yeremi 37:11

Ye xiixire we no Kaakalde we a ndiƈatooxaa a Yeerusaleem yaam xiixire we Firawon fee,

Yeremi 34:21

Xam ɓoxot itam a Sedekiya fee o maad Yudaa fo kelfa ke ten na xa ƥay no fañ den, na xa ƥay no we mbugna njang o ñis den, na xa ƥay no xiixire we no maad oxe Babilon. Ke da ndiisooxna boo a ngoƭ a nuun fop oo,

2 Maad we 24:7

O maad oxe Misira xire’oogatee, yaam o maad oxe Babilon kaa jang’u xa piisel axe ten fop, ke xotitna na ƈufnand alaa Misira boo no xuluɓ olaa Ofrat.

Yeremi 37:7

«Keeke o Yaal oxe Roog fee Isra’el a layu: Fat nu lay kene o maad oxe Yudaa lulna a nuun, ndax nu nga’ir fa mi: Xiixire we Firawon fee sutoox’ina, ndax da ƈufgiid a nuun, owe nomtooxaa no saax den Misira.

Yeremi 37:6

Maaga, o Yaal oxe a laya o tuleer Yeremi ta doon we Sedekiya a lulna yee:

Heseki’el 17:17

Ke xiixire we ten a mayna may fop oo fo a yaj a pagkatar ake ten, Firawon fee waagkiran o dimle na ñoq ale yaa Baababilon we a yoɗkaa a uum lanq a songir soo a mbi a uum ndax wiin mayu a saŋkel.