Yeremi 37:3 - NQAARIIT NE ROOG

³ O maad Sedekiya a lula a Yukal fee o ƥiy Selemiya fa Sefaniya fee o saasadax, too a ref o ƥiy Maseya, maa no tuleer Yeremi, ndax da layin ee: «Xeɗooxani a in o Yaal oxe Roog in!»

Yeremi 37:3 Referans Kwoze

Yeremi 52:24

O aa-adax oxe no yeeyetax we a dama a Seraya fee o saasadax o maak oxe fa Sefaniya fee o saasadax oxe reefanuuna fo yeeyetax daduk we no ndokand ne no Mbind ne no Yaal oxe.

Yeremi 42:20

A qoox nuun nu naxaa, ye nu lulaxama maa no Yaal oxe Roog nuun, lay ee: ‹Xeɗooxani a in o Yaal oxe Roog in, too fop ke o Yaal oxe Roog in a laykaa, feeñleen a in, too xan i mbi’in.›

Yeremi 29:25

«Keeke o Yaal oxe Roog fee Isra’el Hupna fop a layu: ‹Lultaa o leetar no gon of a Sefaniya fee o ƥiy Maseya, too a ref o saasadax, lultin itam saasadax lakas we fa xeet fee Yeerusaleem fop, ndax o lay ee:

Yeremi 2:27

Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›

1 Maad we 13:6

Ndak fo ndak, o maad oxe a laya o kiin Roog oxe yee: «Ngela xeɗooxanaam o Yaal oxe Roog of, ndax um waag o nomit o ɓay es.» O kiin Roog oxe a xeɗooxa o Yaal oxe, soo o maad oxe a sog o waag o nomit o ɓay um bo ta dakoox ne ta reeƭna.

A pi ake 8:24

Maaga, Simoŋ a doona a Piyeer fa Saŋ ee: «Nuun itam, nqeɗanaamoo o Yaal oxe, ndax dara no ke nu layna daawkiraam.»

Yeremi 38:1

Sefatiya fee o ƥiy Matan, Gedaliya fee o ƥiy Pasehuur, Yukal fee o ƥiy Selemiya fa Pasehuur fee o ƥiy Malkiya a nana ye Yeremi a layaa xeet fee fop ee:

Yeremi 29:21

Keeke o Yaal oxe Roog fee Isra’el Hupna fop a layu na Ahab fee o ƥiy Kolaya fo na Sedekiya fee o ƥiy Maseya, na yegnaa a nuun xa maaƥ xa ƥor no gon es: ‹Xam ɓoxot a den na xa ƥay Nebukadnesaar fee o maad oxe Babilon, too xan a war a den mbaambir nuun.

1 Sami’el 12:19

Xeet faa fop a laya a Sami’el ee: «Xeɗooxani a in o Yaal oxe Roog of, in we dag of, ndax i saŋkooxkee, yaam i ƥaata no pakaad in a qeƭ ale no maad oxe.»

A lim ale 21:7

Wiin mayu na xeet fee a ñofa o ƈuf maa Moyiis, a layin ee: «I mbakaada, ye i nqasanna o Yaal oxe, nqasanong. Xeɗooxi boog o Yaal oxe, ndax ta riƈatan a in pangool kene.» Moyiis a refa no xeɗooxanaa xeet fee o Yaal oxe.

A sutax ale 10:17

Mbaasanahinaamoo tooñ es no jaf leeke. Nqeɗyo o Yaal oxe Roog nuun, ndax ta riƈatanaam taamaala fa mbaaxeer feeke.»

A sutax ale 9:28

Nqeɗyo o Yaal oxe, ndax ƭuuɗ ke fo a kalam a ƥuuɓu ke a mbat. Yaaga, xam xaƴ a nuun nu ndet, too o leng fañitkatee a nuun.»

A sutax ale 8:28

Kaa koy, no jaf laaga itam, Firawon fee a ŋajahina too a faña o xaƴ xeet fee da ndet.

A sutax ale 8:8

Moyiis fa Aaroon a ndalfooxa o sutoox mbind Firawon fee. A cinj ye Moyiis a sutooxna boo a goƭik, a xeɗooxa o Yaal oxe no kaa farna na paaɓ ake, ta xawit’ina a Firawon fee.

Yeremi 15:11

Kaa koy, o Yaal oxe a laya yee: «Xam watong. Xam fi fañ of a ƈufginooxong yaa fa taamaala den, yaa fa naqad den.

Yeremi 37:7

«Keeke o Yaal oxe Roog fee Isra’el a layu: Fat nu lay kene o maad oxe Yudaa lulna a nuun, ndax nu nga’ir fa mi: Xiixire we Firawon fee sutoox’ina, ndax da ƈufgiid a nuun, owe nomtooxaa no saax den Misira.

Yeremi 37:17

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»

Yeremi 42:1

Aa-adax we no xiixire we fop, moƴtaa sax Yohanan fee o ƥiy Kare’a fa Asariya fee o ƥiy Hosaya, fo wiin we ndeeƭna maaga fop, a xotit no xe moƴna o neew boo no xe moƴna o maak, a ngara