Yeremi 37:1 - NQAARIIT NE ROOG

¹ Nebukadnesaar fee o maad oxe Babilon a dalin’a a Sedekiya fee o ƥiy Yosiya o maad no saax le Yudaa na seek Yoyakin fee o ƥiy Yoyakim.

Yeremi 37:1 Referans Kwoze

Yeremi 22:24

O Yaal oxe a laya a Yoyakin fee o ƥiy Yoyakim too a ref o maad Yudaa yee: «Ne ta wooritna yee mexe ñoowaa, a soƥ’angaa sax ee kaa o ref nen o heɗ o ñaasir no ɓay es o ñamaak, xam paltong no nqol es.

2 Maad we 24:17

Cinj kaaga, Nebukadnesaar a dalna a Mataniya fee faap o ndeɓ Yoyakin, ta ref o maad Yudaa, soo a supit gon um, a ne’in Sedekiya.

2 Maad we 24:12

Maaga, Yoyakin fee o maad Yudaa fa ya um fo dag we ten fo jaajal we ten fo cawdiin ke ten a sutoora na teeru fee, a ƥoxotoox no maad oxe Babilon, soo ta fi a den faɗ. Keene oxe jopir’a no hiid ɓetuu dadkandeer ole no maat Nebukadnesaar.

Yeremi 52:31

No hiid qarɓeen tadik fo hiid o ɓetuu ɗikandeer ole no mbaƭ ne Yoyakin fee o maad Yudaa, no ñaal qarɓeen ƭik fo ñaal ƥetkandeer ne no nqool xarɓaxay fo nqool o ƭikandeer onqe, Ewil-Merodak fee o maad oxe Babilon, no hiid o feraand ole no maat um, a yirma a Yoyakin fee o maad Yudaa soo a sutnin na kaso faa.

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Yeremi 22:28

Kaa laamteel ee: «Ndax Yoyakin fene kaa ref nqaw ƭok naa jiriiñateerna tus, a gef, o ƥaxañ olaa o leng a bugateerna? Xar taxu da ndeɓel, ten fo xa taan um, a ndaxel no saax laa da andeerna?»

Yeremi 21:1

O maad Sedekiya a lula a Pasehuur fee o ƥiy Malkiya, ten fa Sefaniya fee o saasadax too a ref o ƥiy Maseya maa Yeremi, ndax da layin ee: «Ga’rani a in fo o Yaal oxe, yaam Nebukadnesaar fee o maad oxe Babilon oxe xire’aa fa in. Xeƈa xan o Yaal oxe a fi’anahin a in njomlaand, ndax o pañ in oxeene a riƈatoox a in.» Maaga, o Yaal oxe a daawna a Yeremi fa lay um, soo ta heblit o yegnanel a Sedekiya yee:

Yeremi 34:2

«Mi o Yaal oxe Roog fee Isra’el mexe heblang o ret lay a Sedekiya fee o maad Yudaa yee: Keeke o Yaal oxe a layu: Ga’angi, xam ɓoxot teeru fene na xa ƥay no maad oxe Babilon, too xan a doxin riw.