Yeremi 36:4 - NQAARIIT NE ROOG

⁴ Maaga, Yeremi a xoya a Baruk fee o ƥiy Neriya soo a layaa fop ke o Yaal oxe a daawin’uuna, Baruk a bindan no laxas safe le.

Yeremi 36:4 Referans Kwoze

Yeremi 32:12

Ɓoxotaam a kayit a cikir ale a Baruk fee o ƥiy Neriya too a ref o ndaan Mahseya, na kid Hanamel fee o ƥiy faap o ndeɓ es fo na kid no seede we ñaas’ina a kayit a cikir ale fo na kid no goor Yuuyudaa we fop ndeeƭna no maax ole no yeeyetax we.

Heseki’el 2:9

Ɗeetaam too ga’aam o ɓay olaa letneena farna fa mi, a pokoox o laxas a pind o dore.

Yeremi 36:32

Cinj kaaga, Yeremi a waaƭa o laxas safe lakas, a cooxin a Baruk fee o piibind oxe, too a ref o ƥiy Neriya. Baruk a binda teen ne Yeremi a laytooguuna o ten fa lay fee no laxas safe le fop Yoyakim fee o maad Yudaa a dox’ina. Fa lay fa lakas fa mayu fa nandu neen a ɓaatahine teen.

Yeremi 43:3

Kaa koy, Baruk fee o ƥiy Neriya o mat riñong na in. Kaa bug o ɓoxot a in na xa ƥay no Kaakalde we, ndax da mbar a in mbaat da ƥis a in Babilon took o hup doole.»

O leetar ole Pool a bindna GIMU WE NGENNA ROM 16:22

Mi Tertiyus fee bindanna a Pool o leetar oleeke, mexe lultaa a nuun simin es no gon no Yaal oxe itam.

Sakari 5:1

Yoɗahinaam a kid es, too ga’aam kam mbeeñil o laxas safe laa na yetaa.

Yeremi 36:28

«Dakooxi waaƭ o laxas safe lakas too bindahin teen fa lay fee fop reeƭna no laxas safe eetaand ole Yoyakim fee o maad Yudaa a doxna.

Yeremi 36:26

O maad oxe a hebla a Yerahmel fee o ƥiy no maad oxe, Seraya fee o ƥiy Asri’el fa Selemiya fee o ƥiy Abdel da ndam a Baruk fee o piibind oxe fo o tuleer Yeremi. Kaa koy, o Yaal oxe a ɗasna a den.

Yeremi 36:23

A mbanuu Yehudi a jang’ina xa per xa tadaq mbaat xa nahaq, o maad oxe a seeltooga a den nduus ne no piibind oxe, a deɓ a den kam fiɗel le no taƭoor ke, boo neene o laxas safe le fop a sooyu.

Yeremi 36:21

Maaga, o maad oxe a lula a Yehudi, ta xotik o laxas safe le. Yehudi a xottaan na ndok Elisama fee o piibind oxe, a jangin mbaambir no maad oxe fo kelfa ke ngeenoox’ina paam o maad oxe fop.

Esayi 8:1

O Yaal oxe a layaxam ee: «Jangi a alfa maak, o bind took fee a pind a qoolu yee: ‹Maheer saalaal haas bas› tekitna ‹Caɓe ke, ñofandooxi, yaq fee a matiida›.

Yeremi 25:13

Xam fudin took saax leene fop ke layuuma no ten, fop ke bindeena no safe lene, padafuleer ke Yeremi a yegnitna took qeet ke fop.

Yeremi 30:2

«Keeke layum, mi o Yaal oxe Roog fee Isra’el: ‹Bindi no safe fa lay fee layoonga fop.

Yeremi 36:6

Kaa koy, wo na retkaa teen na bes fee no koor ne, jang no laxas safe le bindoona fa lay fee no Yaal oxe layoonga. Xan o nannoorin we na xeet fee na ndefkaa no Mbind ne no Yaal oxe boo no wiin we Yudaa na inoortiidkaa no teeru ke den.

Yeremi 36:14

Maaga, kelfa ke fop a lula a Yehudi fee o ƥiy Netaniya, too a ref o ndaan Selemiya fo o ndanaraat Kuusi maa Baruk, ndax ta layin ee: «Xoti o laxas safe le jangoona mbaambir xeet fee too gar!» Baruk fee o ƥiy Neriya a xota o laxas safe le soo a ret maa den.

Yeremi 36:27

A cinj ye o maad oxe a doxna o laxas safe le saq’ina fop ke Yeremi a bindnoor’ina a Baruk, o Yaal oxe a laya a Yeremi yee:

Yeremi 51:59

Keeke refu ke o tuleer Yeremi a hebilna a Seraya fee o ƥiy Neriya too a ref o ndaan Mahseya, ye oxeene a retna Babilon, a yoon fa Sedekiya fee o maad Yudaa, no hiid o nahkandeer olaa no maat um. Seraya reeƭu o aa-adax oxe no cawdiin ke no mbind no maad ne.

Yeremi 51:60

Yeremi kaa bind’u no safe taamaala ke na ndalkaa a Babilon fop, fa lay fene fop bindeena took Babilon.

Dañel 7:1

No hiid o feraand olaa no maat Baltasaar fee o maad oxe Babilon, Dañel a ɗaaɗa soo a ga’a peeñil no yiif um, a soƥ ta wondoox no njong um. Cinj kaaga, a binda o ƭaaɗ ole,

Esayi 30:8

O Yaal oxe a laya a Esayi yee: «Ndiiki koy, bindi keene na alfa mbaambir den, bindin itam no safe, ndax ta ref seede faa na refkaa boo faw no camaane ke na ngaraa.