Yeremi 36:2 - NQAARIIT NE ROOG

² «Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

Yeremi 36:2 Referans Kwoze

Yeremi 30:2

«Keeke layum, mi o Yaal oxe Roog fee Isra’el: ‹Bindi no safe fa lay fee layoonga fop.

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

A sutax ale 17:14

O Yaal oxe a laya a Moyiis ee: «Bindi keene no safe, ndax weeckaand. Layi a Yosuwe itam ee xam moocin Aa-amalek we, ndax mbetandooxkataand no lanq ke.»

Heseki’el 2:9

Ɗeetaam too ga’aam o ɓay olaa letneena farna fa mi, a pokoox o laxas a pind o dore.

Yeremi 51:60

Yeremi kaa bind’u no safe taamaala ke na ndalkaa a Babilon fop, fa lay fene fop bindeena took Babilon.

Yeremi 36:23

A mbanuu Yehudi a jang’ina xa per xa tadaq mbaat xa nahaq, o maad oxe a seeltooga a den nduus ne no piibind oxe, a deɓ a den kam fiɗel le no taƭoor ke, boo neene o laxas safe le fop a sooyu.

Yeremi 36:6

Kaa koy, wo na retkaa teen na bes fee no koor ne, jang no laxas safe le bindoona fa lay fee no Yaal oxe layoonga. Xan o nannoorin we na xeet fee na ndefkaa no Mbind ne no Yaal oxe boo no wiin we Yudaa na inoortiidkaa no teeru ke den.

Esayi 8:1

O Yaal oxe a layaxam ee: «Jangi a alfa maak, o bind took fee a pind a qoolu yee: ‹Maheer saalaal haas bas› tekitna ‹Caɓe ke, ñofandooxi, yaq fee a matiida›.

A kim a tedu ke 40:7

Bugiro sadax muumeen mbaat ci’it no kuu ta waagna o ref, sertiro sadax toxel mbaat sadax fa mbaasnoor pakaad. Wetanaxamo nof es.

Esdaraas 6:2

Kam Ekbatan fee reeƭna teeru fa maak fee no jegel olaa Medi, o laxas a pind olaa saqna betandoor kene a ga’te maaga:

Hoose 8:12

Um bug oo jaqtanin a cangin es, bindanin o ten, ndaa xan a ɗeetin nen tig kenar.

Yeremi 45:1

Keeke refu fa lay fee o tuleer Yeremi a daawnoogna a Baruk fee o ƥiy Neriya, ta bindan no laxas safe, no hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

Yeremi 36:29

Xan o lay a Yoyakim fee o maad Yudaa yee: Keeke o Yaal oxe a layu: Wo o mat doxu o laxas safe lene, lay a Yeremi yee: ‹Xar taxu o bind teen ee a woora yee xan o maad oxe Babilon a gar, a gef saax lene soo a moocand wiin we fo cegel ke?›

Yeremi 2:4

Nuun mbind Yakoob, nuun a qaw ake Isra’el fop, nan-gilooxyo fa lay fee no Yaal oxe.

Yeremi 1:5

«Yaaga moolafuliroong sax no fud ya of, and’aaxoong, too yaaga rimafulaandee, kesan’oong a xoox es, dalnong o tuleer qeet ke.»

Ke bindeena no xe ne’eena YOB 31:35

Cey! A jeg’angaa rek oxaa nan-gilooxaxama! Waagaam o daaɓoox ee ke layuuma fop ndigil oo. Fat o Cegu katil oxe a doonaam! Yaaga koy, taa a kayit ale saqna ke o pañ es a jambaxam?

A cangatin ale 31:24

Ye Moyiis a ƴutna a pind ale no kebil keene kam safe,

Hebre 10:7

Ten taxu um lay ee: Wo Roog, mexey! Kaam gar, ndax um fadin ke bugoona, ta fodir fo ke bindeena na mi kam safe le no kebil ke.»

Yeremi 1:9

Cinj kaaga, o Yaal oxe a letna o ɓay um, a duq o don es soo a layaam ee: «Mexey ɓekaa fa lay es no don of.

Yeremi 36:14

Maaga, kelfa ke fop a lula a Yehudi fee o ƥiy Netaniya, too a ref o ndaan Selemiya fo o ndanaraat Kuusi maa Baruk, ndax ta layin ee: «Xoti o laxas safe le jangoona mbaambir xeet fee too gar!» Baruk fee o ƥiy Neriya a xota o laxas safe le soo a ret maa den.

Yeremi 36:18

Baruk a doona a den ee: «Ten layoogaxam fa lay feene fop, soo um bindtaa a den aŋkar no laxas safe lene.»