Yeremi 34:6 - NQAARIIT NE ROOG

⁶ O tuleer Yeremi a daawna a Sedekiya fee o maad Yudaa fa lay feene fop kam Yeerusaleem.

Yeremi 34:6 Referans Kwoze

1 Sami’el 3:18

Naaga, Sami’el a wetandooxaan fop too ɗasnee teen dara. Eeli a laya yee: «Ten refu o Yaal oxe, fat a fi ke jofooxuuna.»

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Mace 14:4

yaam ne Saŋ a layoogna a Herood ee: «Warino o dolin!»

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

1 Maad we 22:14

Mikaya a doonaan ee: «Ne ta wooritna yee o Yaal oxe xe ñoowaa, neene a woortu yee ke o Yaal oxe a layaxama doŋ um yeginkan.»

1 Maad we 21:19

Fat o layin ee: ‹O Yaal oxe kaa tee: Waraa o kiin soo gar jang o jeg um!› Fat o layahinin ee: ‹O Yaal oxe kaa tee: Me xa ƥox axe a njaxitna fo’oy le Naboot, maaga a njaxitkaa fo’oy of itam.› »

Yeremi 1:6

Um doonin ee: «Ey, o Yaal oxe na refkaa boo faw, waagiim fa lay, yaam o njaaƈ refum.»

Yeremi 1:9

Cinj kaaga, o Yaal oxe a letna o ɓay um, a duq o don es soo a layaam ee: «Mexey ɓekaa fa lay es no don of.