Yeremi 34:4 - NQAARIIT NE ROOG

⁴ Kaa rek, wo Sedekiya fee o maad Yudaa, nan-gilooxi fa lay es, mi o Yaal oxe! Keeke layum na wo: Laƥ ñaamkirang.

Yeremi 34:4 Referans Kwoze

Yeremi 34:3

Wo o mat, ɓostooxkino, ndaa xan o naagel nuus, ɓoxotel na xa ƥay um, a kid of a njasnoor fo a kid no maad oxe Babilon, ta lay fa wo jaxrañ, soo o ret Babilon.

Yeremi 34:5

Fa nqon of xan a ɓuuɓ, too ne daan of we ndefna maad we yaaga adooxoonga a ndoxanit’eena fo ndaxar qeeñe-xeeñe, neene o doxanitkeel a den, foygooxeel ee: ‹Ndaw sabab, o yaal in!› Mi o Yaal oxe woornong o ten!»

2 Caloori ke 18:18

Mikaya a layaan ee: «Nan-gilooxi kañ ke o Yaal oxe a layna! Kaam ga o Yaal oxe ta moof no uum-maamaad le ten, malaaka ke ten fop a ngeenoox na ñamaak um fo na janoon um.

Yeremi 2:4

Nuun mbind Yakoob, nuun a qaw ake Isra’el fop, nan-gilooxyo fa lay fee no Yaal oxe.

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

Yeremi 32:5

Cinj kaaga, xan Sedekiya a ɓisel Babilon, maa ta yoqkaa boo yaa um topatooxkan. Mi o Yaal oxe layun. Nu nqire’angaa fo Kaakalde we sax, nu njegkee ne nu mbugna.»

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.