Yeremi 34:3 - NQAARIIT NE ROOG

³ Wo o mat, ɓostooxkino, ndaa xan o naagel nuus, ɓoxotel na xa ƥay um, a kid of a njasnoor fo a kid no maad oxe Babilon, ta lay fa wo jaxrañ, soo o ret Babilon.

Yeremi 34:3 Referans Kwoze

Yeremi 32:4

Sedekiya fee o maad Yudaa ɓostooxkee Kaakalde we, ndaa xan a ɓoxotel a paax a paax na xa ƥay no maad oxe Babilon, a naag fo ten jak soo a lay fo ten.

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Yeremi 34:21

Xam ɓoxot itam a Sedekiya fee o maad Yudaa fo kelfa ke ten na xa ƥay no fañ den, na xa ƥay no we mbugna njang o ñis den, na xa ƥay no xiixire we no maad oxe Babilon. Ke da ndiisooxna boo a ngoƭ a nuun fop oo,

Heseki’el 21:25

na ƭat ale o sexkaa, ndax laƥ ne a fadiid Raba, teeru fee no Aa-amon we, a fadiid itam no Yuuyuda we kam Yeerusaleem, teeru fa njegu saŋe fee.

Heseki’el 12:13

Xam letin mbaal ne mi took um, too xan a damel no mbog ne mi. Xam ɓisin Babilon, saax le no Kaakalde we, ndaa taxkee ta doonin a ngid, too xan a xonit maaga.

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Yeremi 37:17

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»

Yeremi 27:22

‹Xan a ƥisel Babilon, a yoq maaga boo a koom alaa um topatooxkaa a den, mi o Yaal oxe, yoɗatinit a den maaga soo nomtiid a den no mbiñ onqene.› »

Yeremi 32:3

Sedekiya kaa wegin’u o tuleer oxe, a xasanan ke taxna ta yegnit fa lay feeke no Yaal oxe: «Nga’yo, xam ɓoxot teeru fene na xa ƥay no maad oxe Babilon, too xan a jangin.

Yeremi 32:28

Ten taxu, mi o Yaal oxe, mexe layang ee: Xam ɓoxot teeru fene na xa ƥay no Kaakalde we fo na xa ƥay Nebukadnesaar fee o maad oxe Babilon, too xan a jaɓin.

Yeremi 34:4

Kaa rek, wo Sedekiya fee o maad Yudaa, nan-gilooxi fa lay es, mi o Yaal oxe! Keeke layum na wo: Laƥ ñaamkirang.

Heseki’el 17:15

Kaa koy, a siiknoora fo o maad oxe Babilon, ye ta lulna wiin um Misira, ndax ta cooxin pis fo goor mayu. Ndax oxe fi’na keene xan a jeg ne ta bugna, ndax xan a daɗ? A ɗega ngiɓoor ne. Ndax xan a ɓostoox?

Yeremi 38:23

Rew we wo fop fo xa ƥeef xan a ƥisel maa no Kaakalde waa, too wo itam ɓostooxkiro na xa ƥay den. Xan o ɓay no maad oxe Babilon a naagong nuus, too teeru fene xan a raaɓel.»

Heseki’el 17:16

Ne ta woritna yee mexe ñoowaa, mi o Yaal oxe na refkaa boo faw layun, mexe daaɓooxaa kene: No saax le no maad oxe ta dodna a xonitkaa, yaam a ɗapa a taaƥ ale ten, a ɗeg ngiɓoor ne ta dalin’ina fo ten. Xan a xonit Babilon.