Yeremi 34:21 - NQAARIIT NE ROOG

²¹ Xam ɓoxot itam a Sedekiya fee o maad Yudaa fo kelfa ke ten na xa ƥay no fañ den, na xa ƥay no we mbugna njang o ñis den, na xa ƥay no xiixire we no maad oxe Babilon. Ke da ndiisooxna boo a ngoƭ a nuun fop oo,

Yeremi 34:21 Referans Kwoze

Yeremi 39:6

O maad oxe Babilon a xirisnoora xa ƥiy xa koor axe Sedekiya maaga Ribla na kid faap den. A xirisnoora itam wiin maak we Yudaa fop.

Heseki’el 17:16

Ne ta woritna yee mexe ñoowaa, mi o Yaal oxe na refkaa boo faw layun, mexe daaɓooxaa kene: No saax le no maad oxe ta dodna a xonitkaa, yaam a ɗapa a taaƥ ale ten, a ɗeg ngiɓoor ne ta dalin’ina fo ten. Xan a xonit Babilon.

Yeremi 52:10

O maad oxe Babilon a xirisnoora xa ƥiy xa koor axe Sedekiya na kid faap den. A xirisnoora itam kelfa ke Yudaa fop maaga Ribla.

A ƭomatax ake 4:20

Oxe i ngaɗ’ina o ñoow in no ten, o maad oxe o Yaal oxe a ɗuumna, a naage nuus kam gamb le den, ten oxe i layoogna yee: «Xan i ñoow no yook um a ndeer qeet lakas ke.»

Yeremi 32:4

Sedekiya fee o maad Yudaa ɓostooxkee Kaakalde we, ndaa xan a ɓoxotel a paax a paax na xa ƥay no maad oxe Babilon, a naag fo ten jak soo a lay fo ten.

2 Maad we 25:6

Baababilon we a ndama o maad Sedekiya, a ƥisin maa no maad oxe Babilon reeƭna Ribla, soo oxeene a hate’in.

Yeremi 22:25

Xam ɓoxotong na xa ƥay no we mbugna njang o ñis of, we saɗaroona, na xa ƥay Nebukadnesaar fee o maad oxe Babilon fo a yaj ake ten.

Yeremi 32:3

Sedekiya kaa wegin’u o tuleer oxe, a xasanan ke taxna ta yegnit fa lay feeke no Yaal oxe: «Nga’yo, xam ɓoxot teeru fene na xa ƥay no maad oxe Babilon, too xan a jangin.

Yeremi 44:30

Keeke fosooxum, mi o Yaal oxe: Xam ɓoxot a Hofra fee refna Firawon fee, o maad Misira, na xa ƥay no fañ um, na xa ƥay no we mbugna njang o ñis um, ne ɓoxottuuma a Sedekiya fee o maad Yudaa na xa ƥay Nebukadnesaar fee o maad oxe Babilon, o pañ um oxe bug’ina jang o ñis um.»

Yeremi 52:8

Kaa koy, xiixire we no Kaakalde we a ndaaba o maad Sedekiya, a ndaawtin na xa saawit axaa Yeriko, soo xiixire we ten fop a pasaroox maa goƭuuna.

Heseki’el 17:12

«Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Heseki’el 17:20

Xam letin mbaal es took um, too xan a naagel nuus no mbog ne mi. Xam ɓisin Babilon, too maaga, xam layoor fo ten no ngore’aƭar ne ta fi’axama.