Yeremi 34:16 - NQAARIIT NE ROOG

¹⁶ Kaa koy, cinj kaaga nu sutooxa teen, maasand gon es. Oxuu refna na nuun a nomtiida faɗ um goor fo rew, nu nqaƴ’ina da njeg a qoox den. Nu sera a den da ndefatin faɗ nuun.

Yeremi 34:16 Referans Kwoze

A paɗax ale 19:12

Nu ndaaɓooritkee gon es na xa maaƥ, yaam yaaga xan nu niwaƭar gon es. Mi refu o Yaal oxe Roog nuun.

Heseki’el 18:24

Boo o cofu xe a fesna a cinj o cofel um, a fi’aa njofaƭar, a laalaa cednooxu ke o soxodu xe a fi’aa fop, ndax xan a ñoow? A pi a cofu leng alaa ta fi’na wetandooxkaand. Xan a xon yaam njofaƭar um fa bakaad fee ta fi’na.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

Yeremi 34:11

Kaa koy, cinj kaaga, a sutoox’a no ke da lay’ina. A njaɓatin’a faɗ goor fo rew we da nqaƴ’ina da njeg a qoox den, a ser a den da ndakooxatin no mbaƭ.

A sutax ale 20:7

Ŋasitkiro gon le no Yaal oxe Roog of, yaam o Yaal oxe ñakkee o xaw oxe na ŋastaa gon um.

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

Malaki 1:12

Nuun o mat, kaa nu maasandaa gon es, yaa nu nqalaataa yee o sadaxand ole mi, mi o Yaal oxe jaree niwel, too ñaamel kuu ndefna a mbaage o ƥisiid teen.

Malaki 1:7

Ten refu yee kaa nu ƥoxotaa ñaamel qoolaƭaru no sadaxand ole mi. Kaa nu laamtahinaxam ee: «O Yaal oxe, na xar i nqoolaƭarandtang?» Ten refu, yaa nu nqalaataa yee o sadaxand ole mi, mi o Yaal oxe jaree niwel.

Heseki’el 39:7

Xam andnoor gon tedu es a ndeer Isra’el fee xeet es too xaƴkatiim gon tedu es a maasandel. Neene, qeet ke xan a and ee mi refu o Yaal oxe, o Tedu xe Isra’el.

Heseki’el 20:39

Nuun mbind Isra’el o mat, keeke o Yaal oxe na refkaa boo faw a layu: Ndetyo, fat oxuu refna a faɗook pangool um! Kaa koy, xan nu nga’in too cinj kaaga xan nu nan-gilooxaam. Neene, nu maasanditkatee gon tedu le mi ci’it ke nuun fo pangool ke nuun.

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,