Yeremi 34:11 - NQAARIIT NE ROOG

¹¹ Kaa koy, cinj kaaga, a sutoox’a no ke da lay’ina. A njaɓatin’a faɗ goor fo rew we da nqaƴ’ina da njeg a qoox den, a ser a den da ndakooxatin no mbaƭ.

Yeremi 34:11 Referans Kwoze

O baawaare xe 8:11

Feek oxe fi’na paaxeer naagee xaweel ndak fo ndak, keene a naaga riñaa wiin we na pi a paaxeer.

Xa peƭit axe 26:11

Fanxoy fee na jeepeetaa ƭooɗofir um kaa nand nen o ɓox olaa geleerooxanna ke ta xuqna.

Sofoni 1:6

we mbesaxama a cinj fo we mbaaƭeeraxama, laamtiraam, mi o Yaal oxe.»

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Yeremi 37:5

Xiixire we Firawon fee a sutoox’a Misira. Yaa Kaakalde we mbid’ina a Yeerusaleem o kurul-keƥ a yegna o nan olaaga, a ndiƈatooxa teeru fee.

Yeremi 34:21

Xam ɓoxot itam a Sedekiya fee o maad Yudaa fo kelfa ke ten na xa ƥay no fañ den, na xa ƥay no we mbugna njang o ñis den, na xa ƥay no xiixire we no maad oxe Babilon. Ke da ndiisooxna boo a ngoƭ a nuun fop oo,

A kim a tedu ke 125:5

We na ndeefaa a ƭat a quƴooxu ke koy, yaasam o Yaal oxe a rax a den, den fo fiifi paaxeer we! Yaasam Isra’el a ref na jam!

A kim a tedu ke 36:3

Bakaad fee kaa muur a kid um, yaam ndik ta anddiloox tooñ um soo a sibin.

1 Sami’el 26:21

Sawul a falalooxaan ee: «Mi o mat tooñu! O ƥees Dawid, nomtooxiidi, fi’katiroong paaxeer leng, yaam no yeng olene lalaxamo yee o ñoow es a jega o njiriiñ na wo. Kaam fesoor nen o cegee yiif too juumaam tigi.»

1 Sami’el 24:19

Xaye lalaxamo o paaxel of fa mi. O Yaal oxe a ɓoxot’axam na xa ƥay of, ndaa taxee o waraam.

A sutax ale 9:28

Nqeɗyo o Yaal oxe, ndax ƭuuɗ ke fo a kalam a ƥuuɓu ke a mbat. Yaaga, xam xaƴ a nuun nu ndet, too o leng fañitkatee a nuun.»

A sutax ale 8:15

Maaga, yaal-o-and we a laya a Firawon fee yee: «Roog fi’un!» Kaa koy, Firawon fee a ŋaja, a fañ o nan-giloox a Moyiis fa Aaroon, ne o Yaal oxe a layit’uuna.

A sutax ale 8:8

Moyiis fa Aaroon a ndalfooxa o sutoox mbind Firawon fee. A cinj ye Moyiis a sutooxna boo a goƭik, a xeɗooxa o Yaal oxe no kaa farna na paaɓ ake, ta xawit’ina a Firawon fee.

Yeremi 34:10

Kelfa ke fop fa xeet fee fop mbog’ina no ngiɓoor ne a njaɓ’a o nqaƴ, oxuu refna faɗ um, goor fo rew, da njeg a qoox den, a mbañat o ngeek a den no mbaƭ. A njaɓ’aan soo a nqaƴ a den da njeg a qoox den.

Yeremi 34:12

Maaga, o Yaal oxe a daawna a Yeremi fa lay um na xa ƭelem axene:

Yeremi 34:16

Kaa koy, cinj kaaga nu sutooxa teen, maasand gon es. Oxuu refna na nuun a nomtiida faɗ um goor fo rew, nu nqaƴ’ina da njeg a qoox den. Nu sera a den da ndefatin faɗ nuun.