Yeremi 34:10 - NQAARIIT NE ROOG

¹⁰ Kelfa ke fop fa xeet fee fop mbog’ina no ngiɓoor ne a njaɓ’a o nqaƴ, oxuu refna faɗ um, goor fo rew, da njeg a qoox den, a mbañat o ngeek a den no mbaƭ. A njaɓ’aan soo a nqaƴ a den da njeg a qoox den.

Yeremi 34:10 Referans Kwoze

Yeremi 26:16

Kelfa ke fa xeet fee fop a laya saasadax we fo duleer we yee: «O koor oxene waree o maalel fa nqon, yaam no gon no Yaal oxe Roog in a layu fa in.»

Yeremi 26:10

Yaa kelfa ke Yudaa a yegna ke xew’ina, a inoora no mbind ne no maad oxe, a ndet no Mbind ne no Yaal oxe soo a moof mbaambir Ndokand nqas ne no Mbind ne no Yaal oxe.

Mark 6:20

yaam Herood kaa saɗar’u a Saŋ. A and’a xil ee Saŋ o koor o cofu a reeƭu, a ted, ten taxu ta saytooxoogun. Boo ta nan-gilooxooguuna, a jaaxɗooga, ndaa kaa nan-gilooxoogun fo o ɗaay.

Yeremi 38:4

Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

Yeremi 36:12

soo a fudoox no mbind no maad ne, na ndok ale no piibind oxe. Kelfa ke fop kaa mbokatoor’u maaga. A jeg’a a Elisama fee o piibind oxe, Delaya fee o ƥiy Semaya, Elnatan fee o ƥiy Akboor, Gemarya fee o ƥiy Safan, Sedekiya fee o ƥiy Hananiya fo kelfa lakas ke fop.

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

Yeremi 34:11

Kaa koy, cinj kaaga, a sutoox’a no ke da lay’ina. A njaɓatin’a faɗ goor fo rew we da nqaƴ’ina da njeg a qoox den, a ser a den da ndakooxatin no mbaƭ.

A sutax ale 21:2

O leng na nuun a jikangaa o pog o Hebre, a fi’in o paɗ, fat oxeene a faɗooxan boo xa kiid ɓetaa fo leng. No hiid o ɓetuu ɗikandeer olaa koy, a waaga o woktoox na jam too saqankee o yaal um haq fa leng.

A paɗax ale 25:10

Fat nu tedland o hiid qarɓeen ƥetkandeer ole, yegnit a bat ale no we ngenna kam saax le fop. O hiid oleene xan a xoyeel o Hiid o mbelakinax. Oxuu refna na nuun a waaga o xaad na pec um, a nomtoox no fog um.