Yeremi 33:7 - NQAARIIT NE ROOG

⁷ Xam nomtiid we ƥiseena gilaa saax took o hup doole na Yudaa fo we na Isra’el, dalnatin a den nen yaaga.

Yeremi 33:7 Referans Kwoze

Yeremi 30:3

Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Esayi 1:26

Xam fi boo haahate we wo a nand nen we yaaga, soo aa-as we wo, um fi da nand fo we no camaane miñu kaa. Cinj kaaga, xan o xoyeel ‹Teeru fee no cofel ole› fa ‹Teeru fa ngore’u fee.› »

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

Yeremi 31:4

Xam maxatinong, too xan o maxatinel, wo Isra’el o njaaƈ o ndoog o andee adna nqe. Xan o mosandooritahin a ñal ake wo, yoon fo feefec we na ƈeelaa.

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

Yeremi 33:26

yaaga waagkoogaam o deɓ xa taan axe Yakoob fo axe Dawid fee o tag es, fañat o xotit na xa taan um waa na maadooxkaa took xa taan axe Abraham, Isaak fa Yakoob. Kaa koy, xam nomtiid we ƥiseena gilaa saax took o hup doole na den soo yirim a den.»

Yeremi 31:28

Ne fexeyantuuma a den, ndax um fuur, jiƭit, yaq, saŋik soo fi paaxeer, neene um fexeyanitkaa a den, ndax um max soo jimb.» O Yaal oxe layun.

Yeremi 30:20

Xa taan axe Yakoob xan a ñoowtikat nen daan waa yaaga, mbokatax den a geennel koŋ mbaambir es, ndaa xam xaw ñaañagadil we den fop.

Yeremi 30:18

Keeke o Yaal oxe a layu: «Xam xendandatin ƭiif ke Yakoob, yirim kenand ke ten, teeru fuu refna a maxatinel na pec um, mbind mosu nuu refna a daknel na seek a ndigil um.

Yeremi 24:6

Xan a kid es a ngaan took den, too xam nomtiid a den no saax lene. Xam sinjatin a den too taskatiim a den, xam jimbatin a den too fuurkatiim a den.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

A kim a tedu ke 126:4

O Yaal oxe, supti o roxanqol in, ne a qayaandiin a suptitaa a koƥ-a-ƥor ale no ɓemb-roog o ñamaak.

A kim a tedu ke 85:1

O yaal a ƭat ale no jeejeek we a xoolne yee a kim a tedu lene kaa fog na ke no Kookoora we.

A kim a tedu ke 14:7

Ey, bug’aam o ga wala a muc ale Isra’el na inoortiidkaa Siyoŋ? Yaa o Yaal oxe a supitkaa o roxanqol ole na xeet um, xan Yakoob a ref no ɗaay, Isra’el a felakinooxaa.

Sakari 1:17

Cinj kaaga, malaaka fee a laamtaxam um yegnitahin kene: «Keeke o Yaal oxe Hupna fop a layu: ‹Teeru ke mi xan a mbalahin fo paax ƥor, too mi o Yaal oxe xam yaalahin a Siyoŋ, jilahin a Yeerusaleem.› »

Sofoni 3:20

Na jamaane faaga, xam fokat a nuun, nomtiid a nuun, fi nu njeg gon, simateel a ndeer qeet ke no lanq ke fop, yaa um supitkaa o roxanqol ole nuun na kid nuun. Mi o Yaal oxe layun.»

Hoose 2:15

Xam inooxanin yaam ñaal ke ta cuuraayoogna a Baaliin, a mosandoortaa xa keɗ um fo ceq um. Kaa reefoogu xa pes um, soo mi o mat, ta weecaam. Mi o Yaal oxe layun.

A kim a tedu ke 126:1

A kim no ñaañaaƴ we yoo. Ye o Yaal oxe a supitna o roxanqol ole Siyoŋ, kaa fi’’u a in nen o ƭaaɗ.

Yeremi 31:38

O Yaal oxe kaa tee: «Ñaal key a ngaraa kaa um maxatinankeel a Yeerusaleem, a xotit no Taax-took ne Hananel boo no Ndokand naa no kooñ ne.

Yeremi 50:4

Na pe akaaga fo na jamaane faaga, Ii-isra’el we fo Yuuyudaa we xan a nomtooxandooriid. Mi o Yaal oxe layun. Xan a ñaaƴaa a loolaa, a mbaaƭaa o Yaal oxe Roog den.

A ƭomatax ake 4:22

Wo Siyoŋ, o ndoog onqe, rabdaa njofaƭar of boo ƴut. O Yaal oxe ɓiskatirang no mbaƭ muk. Wo Edoom, o ndoog onqe mat, xan a xaw njofaƭar of, a hulit pakaad of.

Heseki’el 39:25

Ten taxu keeke layum, mi o Yaal oxe na refkaa boo faw: Ndiiki xam supit muj fee Yakoob, yirim mbind Isra’el fop soo naalaa gon tedu es.

Esayi 52:8

Nan-gilooxyo o ñuxur no we na yetooxaa teeru fee. Owe mbalalooxaa. Den fop owe na xa ƈeel, yaam kaa nga’ood o Yaal oxe ta nomtooxiidaa Siyoŋ.