Yeremi 33:3 - NQAARIIT NE ROOG

³ Ƴufginooxaam, too xam jaaɓong, yegnong tig maak fo kaa ɗasna, andeeroona.

Yeremi 33:3 Referans Kwoze

Yeremi 29:12

Maaga, xan nu ƈufginooxaam, ngeleeroox farna fa mi, nqeɗooxaa, too xam jaaɓ a nuun.

Esayi 65:24

Boo da ngelko fo nqoyaxam sax, mi, xam jaaɓ a den, too boo da ngelko fo muukaa a qeƭ den, a soƥa jaɓaanum yaaga.

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Esayi 48:6

Nu nana ke yegnit’uuma yaaga, too nu nga’a yee fop a fadnooxa. Ndax kaa nu njaɓkiran? No ke xotitna xaye koy, qas ƥor um yegnitaa, ta ref kaa hend’uuma too ta kunpa’u a nuun.

A kim a tedu ke 91:15

Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.

A cangatin ale 4:29

Meene nu mbaaƭitkaa o Yaal oxe Roog nuun, too xan nu nga’in, yaa nu mbaaƭuuna na qeeñ nuun fop fo na xa laaw nuun fop.

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

A kim a tedu ke 145:18

O Yaal oxe xe paam no we na ƈufginooxan fop, paam no fop we na ƈufginoortan ndigil.

A cangatin ale 4:7

Xeet fa maak fum njegu roog kaa matna a den, ne o Yaal oxe Roog in a matitna a in a mbanuu i ƈufginooxuuna?

A pi ake 2:21

A koom, oxuu ƴufginoorna gon le no Yaal oxe, xan a muc.›

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

Esayi 45:3

Xam ci’ong kalal ke laqeena no niɓaan ole fo o jeg ole ɗasneena a paax, ndax o and ee mi refu o Yaal oxe Roog fee Isra’el, xoyoonga no gon of.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Mace 13:35

Naaga, ke lay’eena a reefandel no tuleer oxe a fadnoortu: «Xam lay na naxax, too xam lambin ke ɗasneena yaa adna a godeena ɓaax boo xaye.»

Mise 7:15

Fi’ani a in comlaand, nen a koom alaa suttoona daan in no saax laa Misira!

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

Yeremi 23:35

Fat nu laamtiraa a ndeer nuun, ndeer o kiin fo o pog um ee: ‹Xar o Yaal oxe a doonu? Xar o Yaal oxe a layu?›

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.

Yeremi 32:27

«Andaa yee mi refu o Yaal oxe, Roog fee no pindeef ke fop. Ndax a jega kaa xoxaxama?

Dañel 2:18

a sim a den da ƈufginoox a Roog fee na asamaan, ta feeñil a den kunpa feene, ndax ten oo yoon um oo mbokatkaand fo yaal-o-and lakas we Babilon, a mbarel.

Dañel 2:22

Ten na feeñlaa ke moƴna o ɗas, a and ke laqooxna no niɓaan ole, yaam a qoolaand ale kaa gen fo ten.

Dañel 2:23

Wo Roog fee no daan es, mexe gidmang, simatang, yaam ci’axamo o jeg-yiif fa doole, feeñlaam ke i nqeɗoogoonga, andnoor a in ke jaaxlandna o maad oxe.»