Yeremi 33:2 - NQAARIIT NE ROOG

² «Keeke o Yaal oxe a layu, ten oxe sakna lanq ke, a mool a den soo a sip a den, ten oxe gon um a refna o Yaal oxe:

Yeremi 33:2 Referans Kwoze

Esayi 37:26

Ndax andiro yee mi yuuɓ’u keene yaaga, ɗaapin no camaane miñu kaa? Ndiiki koy, kaam fadnan rek. Wo jagand’um, ndax o gef teeru cegu saŋe ke, yaq a den pic.

A sutax ale 15:3

O Yaal oxe o qir o say oo, ten jare o ne o Yaal oxe.

A sutax ale 6:3

Feeñooxaam a Abraham fa Isaak fa Yakoob nen a ‹ROOG O CEGU-KATIL OXE›, ndaa koy, andnooriim a den ke gon es le refna ‹O YAAL OXE› a tekitna.

Mbeeñil 21:10

Yiif le Roog a gifaxam, too malaaka fee a ɓisaxam took o joong o maak o jigdu. Maaga, a lalaxam teeru fa tedu fee refna Yeerusaleem fee Roog a fudnitiid’ina na asamaan.

Esayi 62:7

Ba nu nqaƴin fo njaambuur um boo yaa ta dalnatinkaa a Yeerusaleem, a fi’in o ndam onqe no lanq ke fop.»

Esayi 43:21

Maaga, xeet feene sakuuma xan a simataxam.»

Esayi 43:1

Ndiiki koy, wo Yakoob, keeke o Yaal oxe sakoonga a layu. Wo Isra’el, oxe bindoonga kaa tee: «Ba o saɗar dara, yaam wataaxoong. Kaam xoyong no gon of, jegatong!

Esayi 14:32

Xar na doonkeel we saax leene a lulna? Fat a ndoonel ee: «O Yaal oxe fa xoox um sinju a Siyoŋ, too teen o mat rool we na xeet um a njegitkaa ndaɗand mbooru.»

A kim a tedu ke 102:16

Qeet ke xan a niw gon le no Yaal oxe, maad we na adna fee fop a saɗar o ndam um,

A kim a tedu ke 87:5

soo na Siyoŋ ta layel ee: «Ten refu mbaafaap no xuu refna.» Oxe Took-ee-took fa xoox um saƭkandun.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

Hebre 11:10

Abraham kaa cungoogu teeru faa sinjeena no saƭku. Teeru feene koy, Roog fiisun, too o ten o mat jaloodun.

Amos 9:6

Kaa sip ngenand um na asamaan, a fi kuul ne ta yooroox lanq ke, soo ta xoy poofi ke no maag ole, a picit a den took lanq ke. Ten o mat ne’e o Yaal oxe.

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Yeremi 32:18

Kaa o yirmaa wiin cuni-cuni, ndaa kaa o rabdinooxaa njofaƭar ne no paap ke took xa ƥiy den. Wo refu Roog fa magnu fee, o Yaal katil oxe, gon um a refna o Yaal oxe Hupna fop.

Yeremi 10:16

Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

Yeremi 16:21

O Yaal oxe kaa tee: «Ten taxu xam andnoor a den, kaam ee, no jaf leeke xam andnoor a den o ɓay es fa katil es, too xan a and ee mi refu o Yaal oxe.»

Yeremi 51:19

Roog fee Yakoob koy nandee fa den, yaam o ten saku fop, moƴtaa sax xeet fee ta jegoodna. Gon um refu o Yaal oxe Hupna fop.

Esayi 42:8

Mi refu o Yaal oxe. Keene refu gon es. Xaƴankiim o lakas o ndam onqe helaxama, too xaƴkiim fo pangool ke o niwel ole jagirna fa mi.